Uztarik ez uztailean

Irudia: Behe Banda

2024ko uztailaren 08an - 06:07
Azken eguneraketa: 07:53
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Norabide bertikalean ematen dira karga transmisioak. Zamak eutsi eta zutabeetan barrena goitik behera doaz esfortzu denak, orubean zendu egiten diren arte. Ezinezkoa da hori ekiditea, masak berak eragiten duen atrakzioaren emaitza da. Baldin badago, eroriko da. Pertsonok ere, imitazioz edo, badugu joera ikasitakoak irakasteko, nahitaezean, eta grabitatea ez da oraingoan aitzakia.

Hasi berri dagoen udarako ariketa bezala xede ugari ezarri ditut: gidabaimena atera, lan egin, idatzi, Behe Bandaren enegarren alea antolatu… Bien bitartean, ohean etzateko gogoa besterik ez. Sabaia ortzi-mugan, horizontaltasunaren laudorio. Barruan ezinegona, ezer egiten ez dudala justifikatzeko txiribuelta argumentala. Siesta, ansietatea eta afaltzera. Bihar bai, agendan betebehar bat ezabatuko dut.

Inbertsio galanta egin dut egunotan nire kulpa puzten, akzioak etengabe ari dira garestitzen. IBEX 35-a itzel handitu da, interesak dagoeneko ordaintzen ari naiz. Egunean zortzi orduz buruhausteak ekoiztea ez da lan makala, lan-hitzarmenik ez duen arren. Produktibitatearen diktadurapean ezin potro-jorran ibili errudun sentitu gabe. Baina ni ez naiz kristaua.

Produzitzeari uztearen aldeko aldarria da hau, bekatu kapitalen bingoa irabaztearen aldekoa

Ezin asmatu noiz sentitu nintzen lehen aldiz errudun, nork irakatsi zidan, nola aurre egin. Ezin konfesatokian belauniko jarri. Inoiz mezara joan ez den belaunaldiaren parte izateak badu bere xarma, moralaren pisu guztia soinean eraman, bakea topatzerik ez, ordea. Infernura bai, baina bizikletan.

Beroketa globala, etxebizitzen prezioen igoera, turistifikazioa… azken aldian den-dena ei da gazteon erantzukizuna. Hori ere bada auzi potoloa, erruaz ez eta erantzukizunaz mintzatzea, hiztegiko bilaketa azkar batek errotuta dugun hori dena irauliko balu bezala. Birziklatzea, banbuzko hortz eskuila eta erantzukizuna terminoa erabiltzea; sua amatatzeko listua botatzea.

Usteltzen hasiak diren orduetatik dirua ateratzeko obsesioa da egungo marka. Aprobetxamenduaren filosofia saihetsetan zizelkatua, aisialdiarekin kroketak egitea ezer ez dadin zaborretara joan. Xahutzen den segundo bakoitzeko bi zartadako.

Produkzioa hezur muinetan izatea modan jarri da aspaldi. Goizeko bostetan esnatu, ehun eta bi burpee egin, hamabi orduz lan eta lo hartu, bihar akaso aberats esnatzeko. Meritokraziaren mitologiako lamia eta tartaloak. Kafeak ipintzen egunak pasatzea eta oinordetzan enpresa jasotzea, magia baino askoz gehiago behar izango duzue.

Eraikinen zutabeen antzera, gainean jarri dizkiguten zamak larregizkoak direlako gilbordura pairatzen hasiak gara. Produzitzeari uztearen aldeko aldarria da hau, bekatu kapitalen bingoa irabaztearen aldekoa. Eta zorte pixka batekin, errua ere gazteokin batera zenduko da.


Kanal honetatik interesatuko zaizu: Literatura
2024-07-10 | Castillo Suárez
Jogurtak ordainetan

Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]


Sorginen duintasuna aldarri

Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
[+]


2024-07-10 | Lander Arretxea
“Loturak antsietate eta inpazientzia handiagoz bizi ditu gure belaunaldiak”

Kiosko bat, krisian, Benidormeko giri artean. Eta egunkarien atzean, txandaka, adinak eta mundu ikuspegiak desberdintzen dituzten bi lagun. Kontrastezko osagai horiekin garatu du Lizar Begoñak bere lehen eleberria: Mundu zitalaren kontra. Gisa bereko inguru batean batu... [+]


2024-07-09 | UEU
Katixa Dolhare Zaldunbide
“Literatura hezkuntzaren zimendua da”

Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]


Begirada gurutzatu eta engaiatuak

Sorpresa ederra izan da Consonni argitaletxeak argitaratu berri duen liburua. Ez nuen ezagutzen Montserrat Roigen lana eta aurkikuntza harrigarria izan da, zinez. Batetik, Franco hil berritan argitaratu zelako estreinakoz eleberria (1976an) eta garai hartako Bartzelona... [+]


Kronika: 'Liburu ausartak' jardunaldia
Isilak, mutuak, zuriak... eta ausartak

Otsailaren 23an abiatu ginen Zaragozara (Aragoi) lagun bat eta biok. Bera Haur Hezkuntzako maistra eta ni literatur dinamizatzailea. Album! elkarteak (haur eta gazte literatura argitaratzen duten argitaletxe independenteak biltzen dituen egitura) antolatutako ikastaroak gure... [+]


Katixa Agirre
“Hutsune handia dugu euskarazko ikus-entzunezko fikzioan”

Euskarazko ikus-entzunezkoen egoera kaskarrak kezkatuta dauka Katixa Agirre, hizkuntzaren normalizazioan ezinbesteko tresna direla uste baitu. Ahul ikusten du euskal literatura sistema ere, irakurlego txikia duela eta. Hizkuntza gutxituen arazoak denak.


2024-07-01 | Behe Banda
Barra warroak |
3. zutabea


Mo bueltatu da

1991n argitaratu zuen Bernardo Atxagak Behi euskaldun baten memoriak. Liburuak ibilbide luzea eta arrakastatsua izan du euskaraz nahiz bestelako hizkuntzatan. Alemanian gehien saldutako liburuen artean egon zen, J. Eccleshare editore britainiarrak irakurri beharreko obratzat... [+]


Nola irakurzaletu ikasleak

Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]


2024-06-19 | Itxaro Borda
Isil-isilik

Emazte batek zendua den euskal idazle eta poeta bat akusatzen du, abusuak egin zizkiolakoan, eskolan zebilen nerabe garaietan. Erbia kitzikatzea, arrazoi du Gorka Bereziartuak. Beste edonor izan balitz, afera ez zen isilik geldituko, feministak eta ni barne, salaketategi... [+]


Poesia mailu bat da jaialdia
Literatura ez da ezer arriskutsua, ezta?

Poesia mailu bat da jaialdia antolatu du Azpimarra irakurle taldeak Gasteizko Gaztetxean. Ikasturtean egindako saioetan landu dituzten auziak plazaratu dituzte tailer, solasaldi, errezitaldi zein hainbat erakusketatan. “Garaia kolpatuko duen literaturaren alde” egin... [+]


Lora dadin deika

Neguko naretasun hotz eta lur etzearen ostean etor daitekeenaren promes izaten da udaberria, eta hainbatek eta hainbatetan idatzi izan diote lora dadin deika. Promesak promes, ordea: ez da inoiz udaberri ziurrik galbidean den lurrean. Ez behintzat aldaketaz edo, zehazki,... [+]


Betiberdina

Lehengusinarekin eta haren senarrarekin landa aldera egindako irteera batean hasi zen dena. Horiek afaltzera joan eta ez ziren etxera itzuli. Haien bila atera eta horma batekin topo egin arte ibili zen protagonista. Hortik aurrera, hormak ez dio aurrera egiten uzten eta bi... [+]


Eguneraketa berriak daude