Salba dezagun kalejira haurrentzako liburua Donostian aurkeztu zuen iaz ARGIAk, Groseko erraldoi eta txistulariek lagunduta. Lehenengo ipuin horretan, Ainubi, Etxahun eta Izarrek osatutako haur kuadrilla ezagutu genuen, baita Alajaineta herrian gertatzen diren gauza harrigarriak ere. 'Abentura erraldoia' bildumaren bigarren alea, Hegan, eskuragarri duzu jada; oraingo honetan aspaldi-aspaldi gertatutako kontuak ezagutuko dituzte haur protagonistek… baita erraldoi hegalariak ere!

Naturari lotuta Bidasoako konpartsak dituen pertsonaietan inspiratutako erraldoiei leku egin zaie bigarren ipuin honetan, eta horrexegatik, aurkezpena haiekin batera egingo dugu, Irungo Palmera Montero Gunean, urriaren 18an (larunbata), 17:30ean hasita. Gorka Bereziartuak idatzi eta Adur Larreak ilustratutako ipuinaren bueltan, Bidasoako erraldoi eta buruhandien festa, kalejira eta dantzez gozatzeko aukera izango da, eta jakina, baita marrazketarako eta ipuin kontaketarako tartea ere. Gainera, Adur Larreak egindako maskarak jarriko ditugu eskuragarri, umeek eurek barrutik margotu eta janzteko.

Iazko aurkezpenaren kronika eta irudiak, lotura honetan.

Gogoratu liburua eskuragarri duzula Argiaren Azokan.