Bernat Etxepare lizeoko Euskal Herrian Euskaraz taldeak gogoratu du duela urte bat, zehatz mehatz, Euskalgintzaren Kontseiluak ohartarazi zuela euskara larrialdi egoeran zegoela, eta horri aurre egiteko, hizkuntza politikan "jauziak" egin behar direla. 

Ondorioz, Euskal Herrian Euskaraz taldeko kideek lizeoko su-prefeturaren parean manifestazio bat egin zuten Frantziako Estatuak azterketak euskaraz egitea debekatzen zuela salatzeko. "Euskaraz mintzatzea eta idaztea debekatzen digutela salatzeko", zehazki. 

Manifestazio hartan aldarrikatu zuten zapalkuntza hori onartzen ez dutela, eta, zapalkuntza horren aurrean Euskal Herriak bere hizkuntza behar duela. Urtebete pasa ostean, egoera aldatu ez dela salatu dute: "Botere publikoek ez dituzte oraindik egin eskatu zitzaizkien euskararen aldeko jauziak". 

Ondorioz, berriz "hemen" direla adierazi dute, pairatzen duten egoera "bidegabea" salatzeko eta botere publikoei "behingoz euskararen aldeko jauziak" egin ditzaten eskatzeko.