ARGIA.eus

2022ko uztailaren 05a

Aske utzi dituzte ustez higiezinen agentzietan pintaketak egin zituzten gazteak

  • Ekainaren 22an atxiloketak salatzeko deitu zuten Herriko Etxearen aurrean mobilizazioa eta jendetza gerturatu da.

Jendetza Senperen, atxiloketak salatuz. Argazkia: EH Bai.
2022ko ekainaren 23a

Lau gazte atxilotu zituen Frantziako Poliziak ustez higiezinen agentzietan pintaketak egiteagatik, ekainaren 22an. Kazeta.eus-ek azaldu duenez, egunaren amaieran aske utzi zituzten, Senpereko herriko etxearen aurrean egindako mobilizazioaren ondoren. Berrehun bat lagun gerturatu dira “Utz gazteria bakean, non à la répression, atxilotuak askatu!” lelopean egindako manifestaziora. EH Baik, Kontseilu Sozialistak, LABek eta Xuti Gazte dinamikak deitoratu zituzte atxiloketak.

Senpere Bai koalizioak Facebook-en argitaratutako prentsa ohar baten bidez salatu ditu 2atxiloketa bortitzak". Prentsa oharrean adierazi duenez, Frantziako Estatuak "betiko norabidean" jarraitzen du, bake prozesu baten existentzia guztiz baztertuz eta "garai zaharretako ber egin-molde errepresiboak aplikatuz". Atxilotutako lau gazte senpertarrei dagokionez udalerriko biziaren parte direla zehaztu du, atxilotuetako bat herriko kontseilaria dela ere gehituz.

Espekulazioaren aurka

Ipar Euskal Herriko hainbat udalerritan egin dira eta egingo dira mobilizazioak espekulazioaren aurka, adibidez ekainaren 25ean Ainhoan egingo dena edo 2021eko azaroaren 20ean Baionan egin zen mobilizazioa, etxebizitza eskubidearen alde.

Senpere Baik salatu du Frantziako Estatuak etorkizunaz kezkatua agertzen den gazteria aktiboa "kriminalizatzen" duela, Euskal Herriak etxebizitzaren arloan bizi duen arazoari berehalako erantzun konkretuak aurkitzeko ordez.

Apirilean beste lau gazte lapurtar atxilotu zituzten Hazparnen, Itsasun eta Bordelen, 2021eko azaroan abiaturiko inkesta bati loturik. Kasu horretan ere higiezin agentzietan pintaketak egitea leporatzen zieten gazteei.

Kanal hauetan artxibatua: Politika  |  Senpere  |  Higiezinen espekulazioa  |  Errepresioa

Politika kanaletik interesatuko zaizu...
2022-07-05 | ARGIA
Iruñeko Kalixto taberna miatu du Espainiako Poliziak

San Fermin jaietan Kalixto taberna irekiko du Mugimendu Sozialistak Iruñean. Uztailaren 4 iluntzean Espainiako Poliziak lokala miatu du, drogen aurkako kontrol bat zela argudiatuta. Iruñerriko Kontseilu Sozialistak salatu du "beldurra eragiteko" ekintza... [+]


Etxebizitza turistikoak mugatzeko araudi berria bozkatuko dute Ipar Euskal Herrian

Euskal Elkargoak uztailaren 9an bozkatuko du testu berria, etxebizitza turistikoak murrizteko helburuarekin.


2022-07-03 | Karmelo Landa
Irlandarrak eta gu

Irlandarrek bere hizkuntza galdu dute eta ingelesa irabazi. Zer gehiago irabazi dute? Zer gehiago galdu? Astebete egin dut Dublinen, James Joyce-ren Ulysses nobela mardulean oinarri hartzen duen Bloomsday jaialdia bizitzen eta aztertzen.
Lehenago ere ibili izan naiz Irlandan,... [+]


Eskuin muturrak eskerrak Macroni

Zortzi diputatu izatetik 89 izatera pasa da bost urtez eskuin muturra Frantzian. Hori horrela, lehen aldikoz talde parlamentario bat osatu dezake Marine Le Penen RN Batasun Nazionalak, horrek abantaila andana ematen diola: lehenik eta behin, sostengu finantzario kontsekuentea... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude