ARGIA.eus

2022ko uztailaren 05a

Lau atxilotu Senperen, ustez higiezinen agentzietan pintaketak egiteagatik

  • Frantziako Poliziak lau gazte atxilotu ditu. Euskal Irratiak jakinarazi duenez, ustez higiezinen agentzietan egindako pintaketekin dute zerikusia atxiloketek. Asteazken arratsaldean elkarretaratzea deitu dute Herriko Etxearen aurrean, 19:00etan.

Argazkia: Euskal Irratiak
ARGIA @argia
2022ko ekainaren 22a

Euskal Irratiak eman du albistea goizeko 09:30ak aldera, Twitter bidez. Bertan jasotzen denez, lau gazte dira Frantziako Poliziak Senperen (Lapurdi) atxilotutakoak, eta ustez atxiloketek lotura lukete higiezinen agentzietan egindako pintaketa batzuekin. Kazeta.eus-ek publiko egindako informazioaren arabera, higiezinen agentziatan pintaketak egitea ez ezik, "gaizkile taldeko kide izatea" eta "heriotza mehatxuak egitea" ere leporatzen diete. Hedabide horrek jakin duenez, atxilotutako lauak Senpereko besta komiteko kide dira.

Atxiloketak salatzeko, asteazkenean elkarretaratzea deitu dute Senpereko Herriko Etxearen aurrean, 19:00etan, "Utz gazteria bakean. Errepresiorik ez, atxilotuak askatu!" lelopean.

Pintaketak

Kazeta.eus-ek zehaztu duenez, atxiloketen arrazoi diren pintaketak iazko azaroaren 19an eta martxoaren 22tik 23ko gauez egin zituzten. "Gaur tindua, bihar bonbak", "Euskal Herria ez da salgai" eta "Euskal Herrian bizi nahi dugu" esaldiak idatzi zituzten.

Hedabideak gogorarazi du apirilaren 6an Hazparnen, Itsasun eta Bordelen atxilotutako gazte lapurtarrei ere higiezinen agentzietan pintaketak egitea leporatzen zietela, nahiz eta polizia-etxetik pasa ostean kargurik gabe aske utzi zituzten.

Kanal hauetan artxibatua: Politika  |  Senpere  |  Higiezinen espekulazioa  |  Errepresioa

Politika kanaletik interesatuko zaizu...
Suteen ondorioz Nafarroan hartutako neurriak kritikatu dituzte ekologistek

Ekologistak Martxan, Sustrai Erakuntza eta Lurra taldeek ohar bateratua kaleratu dute eta nabarmendu dute Nafarroako Gobernuaren neurriak berandu datozela eta ez direla nahikoak.


2022-07-05 | ARGIA
Iruñeko Kalixto taberna miatu du Espainiako Poliziak

San Fermin jaietan Kalixto taberna irekiko du Mugimendu Sozialistak Iruñean. Uztailaren 4 iluntzean Espainiako Poliziak lokala miatu du, drogen aurkako kontrol bat zela argudiatuta. Iruñerriko Kontseilu Sozialistak salatu du "beldurra eragiteko" ekintza... [+]


Etxebizitza turistikoak mugatzeko araudi berria bozkatuko dute Ipar Euskal Herrian

Euskal Elkargoak uztailaren 9an bozkatuko du testu berria, etxebizitza turistikoak murrizteko helburuarekin.


2022-07-03 | Karmelo Landa
Irlandarrak eta gu

Irlandarrek bere hizkuntza galdu dute eta ingelesa irabazi. Zer gehiago irabazi dute? Zer gehiago galdu? Astebete egin dut Dublinen, James Joyce-ren Ulysses nobela mardulean oinarri hartzen duen Bloomsday jaialdia bizitzen eta aztertzen.
Lehenago ere ibili izan naiz Irlandan,... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude