Eusko Jaurlaritzako LABIren Aholku Batzordea ostegun arratsaldean bildu da eta murrizketa gehiago ezarri ditu EAEn. Bi dira nagusiak: maskara nahitaez erabili behar da hiriguneetan, eta "jarduera ekonomiko guztiek" 01:00etarako itxiko dute. Nafarroan berriz, etxeratze agindua zenbait kasutan ezartzeko foru araua osatu du Maria Chiviteren gobernuak, auzitegiak berresteko zain.
Eusko Jaurlaritzako lehendakari Iñigo Urkulluk neurri murriztaileagoak iragarri ditu pandemiaren gorakadari aurre egiteko. Bi dira neurri nagusiak: maskararen erabilera derrigorrezkoa izango da hiriguneetan, eta ,jarduera ekonomikoak 01:00etarako itxiko dira.
LABIko teknikariak ostegun goizean bildu dira eta horren ondoren egin dute bilera Aholku Batzordeko kideek, 16:30ean hasita eta Urkullu buru zutela. Bileran covid kasuek azken aste eta egunetan izandako bilakaera aztertu dute, hain justu, pandemia osoan egun bakarrean izandako kasu positibo gehiena zenbatu da ostegun honetan: 1.801 lagun. Hala ere, ospitaleratzeetan ez da nabaritu gorakada hori eta zainketa berezietan dauden pertsonen kopurua egonkor mantentzen da, nahiz eta uztailaren 7tik hona ia bizkoiztu egin den.
Urkulluk azaldu duenez, bi faktore aztertu dituzte, bata, gazteen arteko transmisioa oso handia dela, interakzio handia dagoelako eta txertaketa maila txikiagoa dutelako, baina bestetik, 65 urtetik gorakoei egindako kaltea txikiagoa dela.
Hortaz, hauek dira neurriak, laburrean:
- Maskara erabiltzea derrigorrezkoa izango da transitoa duten hiriguneetan.
- Jarduera ekonomikoak 01:00etatan itxiko dira.
- Barne aforoak mugatuko dira %35era astelehenetik aurrera, kultur, gizarte eta bestelako esparruetan.
Dekretua bihar, ostiralarekin sartuko da indarrean.
Nafarroan, etxeratze agindua
Bestalde, Nafarroako Gobernuak eskatu du asteburuetan eta "jaiak" ospatzen diren udalerrietan etxeratze agindua ezarri ahal izatea. Nafarroako Auzitegi Nagusiari bidaliko dio eskaera, honek aurreko foru araua atzera bota ondoren.
Neurria, 14 egunetan 100.000 biztanleko 250 kasu baino gehiago atzeman dituzten udalerrietan hartuko litzateeke. Javier Remirez gobernuko bozeramaileak azalu duenez, auzitegiaren irizpideetara moldatzen saiatu dira oraingoan. Auzitegiak baiezkoa emanez gero, foru araua asteburu honetan indarrean egotea nahi du Nafarroako Gobernuak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.