Urkulluk autogobernua laudatu du Jaurlaritzaren 40. urteurrenean
Lehendakariarentzat, «babesa eta ongizatea eskaini dituzte» Jaurlaritzaren instituzioek. «Euskadi bidezkoago bat» eraikitzera deitu du
Eusko Jaurlaritza eratu zutenetik berrogei urte bete ziren atzo, eta koronabirusak eragindako krisian «autogobernuaren erakundeen garrantzia» nabarmendu zuen Iñigo Urkulluk. Mezu hori indartzeko, lehendakariak aipatu zituen Osakidetza, Ertzaintza, hezkuntza sistema, babes sozialerako sistema, edo kontzertu ekonomikoa, besteak beste.
Berrogeigarren urteurrena gogoratzeko, Urkulluk mezu bat helarazi zuen, euskaraz eta espainolez, bideo baten bidez. «Lau hamarkada hauetan babesa eta ongizatea eskaini digute gure instituzioek», azpimarratu zuen.
Atzera begira jarri zen, eta oroitu zuen 1936ko urriaren 7an eratu zutela lehendabiziko Jaurlaritza. «Euskal Erkidegoaren askatasunen aldeko borrokatik jaio zen». Jose Antonio Agirre izan zen estreinako lehendakaria. «Eusko Jaurlaritzak abian jarri zuen gaur egun ezagutzen dugun Euskadiren erakundetzea», adierazi zuen Urkulluk. «Gerra eta diktadura pairatu zituen. Ikusi zuen nola kendu zioten autogobernua indarrez. Bizirik mantendu zuen gure herriaren ordezkaritza eta ahotsa munduan».
Urkulluren esanetan, diktaduraren zein erbesteko urteen ondoren, eta Gernikako Estatutua onartzearen ondorioz, 1980ko apirilaren 9an berriro jarri zuten martxan, «demokrazian», Eusko Jaurlaritza «berria».
«Urtemuga honek gure historiaz jabetzeko aukera ematen digu: gure aurrekoen ahalegin eta konpromisoaz, zailtasunak gainditzeko dugun konpromisoaz, desberdintasunen gainetik indarrak batzeak duen garrantziaz», nabarmendu zuen.
Lehendakari eta sailburu guztien «ekarpena» aitortzeko eguna izan zen atzokoa, Urkulluren ustez. «Autogobernuaren erakundeen bidez» zerbitzu publikoa eman duten profesional guztiak ere izan zituen gogoan. «2020ko apirilaren 9a egun egokia da egindako bidea aitortzeko, eta etorkizun hobea eraikitzen jarraitzeko». Etorkizunera begira ere jarri zen, eta «Euskadi irekiago, aurreratuago, solidarioago eta bidezkoago bat» eraikitzera deitu zuen.
Diktaduraren ondorengo lehen Jaurlaritzako lehendakaria Carlos Garaikoetxea izan zen. 1984ko apirilaren 16ra arte iraun zuen legegintzaldiak, eta sailburu guztiak EAJkoak izan ziren. Sailburuetako batzuk izan ziren Pedro Miguel Etxenike (Hezkuntza), Ramon Labaien (Kultura), Pedro Luis Uriarte (Ekonomia eta Ogasuna), Felix Ormazabal (Nekazaritza) eta Javier Garcia Egotxeaga (Industria).
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]