EAEk Udal Legea izango du, EAJk eta EH Bilduk akordioa lortuta
Udal Legearen inguruko akordioa erdietsi dute EAJk eta EH Bilduk. Parte hartzea eta euskara izan dituzte aztergai, besteak beste. Orain Eusko Legebiltzarraren batzordean eta osoko bilkuran onartu beharko da proposamena; bi alderdiek gehiengoa dute organo horietan, ondorioz Udal Legea onartzea espero da. Hala balitz, EAEk Udal Legea izango luke itxaronaldi luze baten ondoren.
aurre egingo dieten hedabide independenteak
Lege proiektua lantzeko Eusko Legebiltzarreko taldeak bilera hasi baino minutu batzuk lehenago erdietsi dute akordioa, jeltzaleek EH Bilduk eginiko azken zuzenketak onartu ostean. PSE-EEk eta PPk iragarri dute proposamenaren aurka bozkatuko dutela.
Alderdiek finantzaketaren alorrean izan dute desadostasun gehien. Adostutakoaren arabera, Gizarte Larrialdietako zerbitzuari aurre egiteko finantzazio nahikoa izango dute udalek, eta ordezkaturik egongo dira Finantzen Euskal Kontseiluan; horrek euren eragina indartuko luke.
Parte hartzea sustatu eta euskararen normalizazioa lortzera bidean ere zenbait neurri adostu dute. Udal eta bestelako toki erakundeek euskararen normalizazioa eta erabilera bultzatzeko neurriak hartzeko eskumena izango dute. Bestetik, parte hartzea sustatzeko baliabideak ere eskainiko zaizkie, herri kontsulta kasu.
Udal Legeak EAJk azaroan aurkezturiko proposamena du jatorri; alderdi guztien artean EH Bildu izan zen negoziatzeko prest agertu zen bakarra. Koalizioa kontent azaldu da: "Negoziazioa nekeza izan da, baina akordioarekin pozik gaude, oso lege ona adostu dugu". Dani Maeztu legebiltzarkideak esan duenez, adostu berri den legea "beti izan da beharrezkoa, baina orain funtsezkoa da". Espainiako Tokiko Administrazioaren Arrazionalizazio Legearen "mehatxua" izan du Maeztuk gogoan hitz horiek esatean, "udaletan esku hartzeko eta eskumenak kentzeko aukera ematen baitio Espainiako Gobernuari".
EAJrentzat ere oso akordio ona da bi indarren artekoa. "Legeak marko juridiko propioa eman eta egonkortasuna ekarriko die udalei", adierazi du Joseba Zorrilla legebiltzarkideak jeltzaleen izenean. Udal Legeari esker euskal erakunde-egitura osatuta geldituko da, Zorrillaren berbetan. "Udalek benetako boterea edukiko dute, eta ez dira zerbitzu-emaile soilak izango".
Akordioak erakusten du "ezberdinen arteko aliantza" posible dela, Koldo Mediavilla EBBko Arlo Instituzionaleko arduradunaren esanetan.
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Emakundek babestutako Hizkuntza aldaketa sozialerako tresna: hizkuntza inklusiboaren erabileraren ondorio batzuen azterketa teorikoa eta enpirikoa ikerketak ondorioztatu du hizkuntza inklusiboa erabiltzea garrantzitsua dela genero ezberdintasunak ez areagotzeko.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
2006az geroztik EAEn martxan jarriko den lehen parke eolikoa izango da, 59 milioi euroko inbertsio publiko-pribatuarekin abiatuko dena. Siemens Gamesak eraikitako zortzi aerosorgailu izango ditu, bakoitzak bost megawatt ekoitziko dituelarik –30.000 etxe hornitzeko... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]