Txipio Baik udal txostenak eskatuko ditu, Plentziako kirol portua handitzea ilegala dela agerian uzteko
Plentzia eta Barrikako udaletako idazkari, arkitekto eta aholkulari juridikoei "legezkotasun txostena" eskatuko die Txipio Bai elkarte naturalista. Hala, emaitzak eskuan, "alkateek ez dute ezezagutza argudiatu ahal izango".
Plentziako itsasdarrean dagoen kirol portua bikoizteko Eusko Jaurlaritzak egindako lizitazioak herritarrak mugiarazi ditu. Hala, azaroaren 17an, domekarekin, "Plentziako historian izandak kontzentrazio handienetako bat" egin zen, Txipio Bairen arabera.
Elkarte naturalista honek ekimen legala abiarazi du eta Plentzia eta Barrikako udaletako teknikariei txostena eskatu diete, hirigintzaren ikuspegitik kirol portua handitzeko proiektua plan bereziren batean dagoen edo ez jakiteko. Txosten horiek eskuan, udaletako alkateei eskatuko diete Eusko Jaurlaritzako Portuen zuzendaritza jakinaren gainean jartzeko eta lizitazioaren esleipenerako tramite administratiboak bertan behera uzteko.
Arazoari konponbidea ez, eta ingurumena gehiago kaltetu
Proiektuaren arabera, egun kirol portuak dituen itsasontzientzako 177 amarralekuri beste 180 gehituko dizkiete eta itsasadarraren alde banatan bi pantalan berri egingo lirateke. Herritarrak aspaldi ari dira amarralekuen berrantolaketa eskatzen, baina proiektu honek ez du inor ase –ezta amarraleku gehiago eskatzen duten itsasontzien jabeak ere–; areago, ingurumenari kalte handiagoa eragingo diola ohartarazi dute.
Hala, SOS Itsasadarra plataforma sortu dute euren aldarrikapenei ahotsa jartzeko eta sinadura bilketari ere ekin diote –jadanik 1.200 sinadura, 6.000 biztanle bizi diren inguruan–. Datorren domekan, azaroaren 24an, giza-katea egingo dute eta gutxienez 600 lagun bildu nahi dituzte itsasadarreko bazterrak jendez betetzeko.
Erdizko meategiaren kontrako plataforma herritarrak aldarrikapen eta besta eguna antolatu du joan den larunbatean Elizondon. Heldu diren asteetan epaiketa ukanen dute Magnesitas Navarra enpresaren kontra. Hain zuzen, auziak eraginen dituen gastuei buru egiteko sustengu... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]