Turkiar inbasioa babestu duen futbolaria alboratu egin du St. Pauli talde alemaniarrak
"Gure militar heroikoen eta armadaren alboan gaude. Gure errezoetan presente daude", idatzi zuen Cenk Sahin turkiarrak Instagramen, Siriako Kurdistanen aurkako inbasioaren harira. Alemaniako St. Pauli taldeko zaleek futbolaria alboratzeko eskatu zioten zuzendaritzari, eta halaxe egin du hark.
Bigarren mailan ari den St. Pauli taldeak, sustrai antifaxista eta antiarrazista sakonak dituena, agiria plazaratu du: "Jokalariarekin hitz egin ostean, Cenk Sahin klubetik alboratzea erabaki dugu. Horretarako arrazoi nagusiak dira klubaren baloreen aurkako errespetu falta, eta jokalaria babestu beharra".
Der FC St. Pauli stellt Cenk #Sahin mit sofortiger Wirkung frei.
Alle Infos 👇🏼#fcsp https://t.co/EVg8Zv5I8j
— FC St. Pauli (@fcstpauli) October 14, 2019
Aurretik, beste hainbat jokalari turkiarrek babestu dute Recep Tayyip Erdoganek agindutako erasoa, Italiako ligan ari diren Hakan Çalhanoglu, Cengiz Ünder eta Merih Demiralek esaterako.
#BarışPınarıHarekati #OperationPeaceSpring pic.twitter.com/NmvOiXlqTF
— Merih Demiral (@Merihdemiral) October 10, 2019
Juventuseko jokalariari, talde horretan aritu zen Claudio Marchisio italiarrak kontrako norabidean erantzun dio. Siriako kurduen aurkako bonbardaketak gogor salatu ditu.
