PKK-k armen suntsiketa irudikatu du, eta Erdoganek iragarri du legebiltzarrean batzorde bat osatuko dela prozesua jarraitzeko
Bere buruzagi historiko Abdullah Öcalenek joan den astean Turkiako Imraliko espetxetik eskatutakoari men eginez, PKK Kurdistango Langileen Alderdiak ekin dio armagabetzeari. Ostiralean egin dute ekitaldia, Iraken menpeko Kurdistango Sulaimaniya hirian, eta 30 gerrilari mendi batetik jaitsi ostean, Bakerako eta Gizarte Demokratikorako Taldeak ohar bat irakurri du. Erdoganek ekintza "historikoa" izan dela adierazi du, eta iragarri AKP, DEM eta MHP alderdiek batzordea osatuko dutela legebiltzarrean, prozesuari jarraipena egiteko.
Ostiraleko ekitaldian, PKKren Bakerako eta Gizarte Demokratikorako Taldeak adierazi zuen "borondate eta erabakitasun keinu gisa" ekin diola armak suntsitzeari, "askatasunaren, demokraziaren eta sozialismoaren aldeko borrokan integrazio demokratikoari" bide emateko. ANF Firat News Kurdistango albiste agentziaren arabera, hogei minutu inguru iraun zuen zeremoniak eta 150 lagun izan ziren bertan milizianoak, kazetariak, gobernuz kanpoko erakundeetako kideak eta Turkiako nahiz nazioarteko alderdi politikoetako kideak kontuan edukita.
Besteak beste, ekitaldian izan zen kurduen aldeko DEM Berdintasunaren eta Herrien Demokraziaren Aldeko Alderdia, Turkiako Asanblean parlamentari gehien dituen hirugarren alderdia eta Ankararen eta PKKren arteko negoziazioetan bitartekari gisa jardun duena. EH Bilduk ere ekitaldian parte hartu zuen, Igor Zulaika legebiltzarkide eta koalizioaren Nazioarteko Politikarako eta Harremanetarako arduradunaren bidez. Berria egunkariari eginiko adierazpenetan, Zulaikak adierazi zuen ekitaldia "hunkigarria" izan zela: "Gerrillariak agertu direnean Abdullah Ocalanen aldeko leloak oihukatzen hasi da jendea, eta, joan direnean, txaloka".
Otsailean armak uzteko deia egin ostean, ostegunean espetxetik grabatutako bideo batean Abdullah Öcalenek berretsi zuen borroka armatuaren garaia amaitu dela: "Ez dut armen boterean sinesten, politikaren eta bake sozialaren boterean baizik", azaldu zuen. Espetxean dauden hainbat alderdikidez inguraturik, duela mende laurden baino gehiago Turkiak preso duen PKKren liderrak azaldu zuen "nazio askapenerako gerra estrategia" amaitu dela eta Kurdistanek lortu duela bere "oinarrizko" helburua, hau da, Turkiak herri gisa aitortzea.
Erdoganek iragarri du Turkiako Legebiltzarrak batzordea sortuko duela
PKK-k armagabetzeari ekin eta bi egunera, igandean, Recep Tayyip Erdogan Turkiako presidenteak hitza hartu du AKP bere alderdiaren ekitaldi batean, Ankaran. Erdoganen aburuz, gerrila kurduaren borroka armatuaren amaiera ez da iritsi bi aldeek eginiko negoziazioen bidez, Turkiaren "gaitasun militarrengatik" baizik: "Azken urteetan guztiz hautsi dugu erakunde terroristaren ekintzarako gaitasuna, eta eragotzi egin dugu beren ekintzek mina eragitea".
Turkiako presidenteak adierazi du ostiraleko ekintza sinbolikoarekin herrialdearen historian "beste aro bat" hasi dela. Aitortu du Ankarak 90eko hamarkadan "praktika desegokiak" erabili zituela PKKren aurka, eta horrek eragin zuela gerrila kurduaren "eragina handitzea". Gainera, iragarri du Turkiako Legebiltzarrak batzorde bat sortuko duela armagabetzea gidatzeko: AKPko, DEMeko eta eskuin muturreko MHP Mugimendu Nazionalista alderdiko kideek osatuko dute batzordea. 1984an abiatu zuen PKK-k Turkiaren aurkako borroka armatua, eta Nazio Batuen Erakundearen arabera 45.000 hildako inguru eragin ditu gatazkak.
Abdulllah Öcalan PKK-ko buruak berriz ere eskatu du armak uzteko, Imrali espetxe barruan egindako bideo batean. Gerrillaren "oinarrizko" helburua egintzat eman du, eta ziurtatu du Turkia prest dela herri kurdua aitortzeko.
Egungo kurduerazko idazle esanguratsuenetakoa da Mizgin Ronak. Zortzi liburu ditu idatzita, bost eleberri eta hiru olerki liburu. 16 urte zituenean ihesera jo zuen, eta urte eta erdiren ondoren haren jaioterrian atxilotu zuten, Diyarbakirren. 1992an, 18 urte besterik ez zituela,... [+]
Antolakunde armatu kurduak bere 12. kongresuan hartu du erabakia, Abdullah Öcalan buruzagi historikoak otsailean eginiko eskaerari jarraituta. 1984an abiatu zuen PKK-k Turkiaren aurkako borroka armatua, eta Nazio Batuen Erakundearen arabera 45.000 hildako inguru eragin ditu... [+]
Lurrikara geopolitiko bat astintzen ari da Ekialde Hurbileko mapa. Anabasaren erdian, Abdullah Öcalanen bakerako azken deiak mahai gainean jarri du eskualdeko gatazka armatu zaharrena. Ez, aurrekariek ez diote bide ematen itxaropenari, eta historiaren trena inoiz baino... [+]
SDF kurduek gidatutako koalizioak eta Siriako Gobernuak su-etena adostu dute. SDFk Siria ekialdeko eta ipar-ekialdeko eremu zabala kontrolatzen du egun, eta hitzarmenak jaso duenez, gobernuaren esku geratuko da orain.
Abdullah Öcalan buruzagiak PKKri otsailaren 27an eskatu zion armak uzteko. Taldeak egin duen adierazpenean babes osoa agertu dio buruzagiari eta Öcalanek eskatutakoa betetzeko konpromisoa adierazi du.
Urteak iragan dira bere azken argazkia ikusi zenetik. 26 urte daramatza preso Abdullah Öçalanek Turkiako Imrali uhartean, "erakunde terroristako" buruzagitza egotzita. Ostegun eguerdian bere bideo bat ez, baina argazki berri bat zabaltzeko baimena eman du... [+]
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Urtebete eta hamar hilabeteko zigorra ezarri diote PKK Kurdistango Langileen Alderdiaren aldeko "propaganda2 egitea leporatuta. Canözerrek hamar urte daramatza kazetari lanetan. Tarte horretan sei bider aldiz miatu du bere etxea Turkiako Poliziak, bost aldiz atxilotu... [+]
2023ko abuztuaren 4an atxilotu zuten etxean Teherango Inteligentzia Ministerioko agenteek. Desagerrarazi eta gero, fisikoki nahiz psikologikoki torturatu zuten Evingo espetxean. Orain heriotza-zigorra ezarri diote, eta espetxekideek haren aldeko defentsa eskutitza argitaratu... [+]
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Bi kazetari, Hêro Bahadîn eta Gulistan Tara, eta haien txofer zihoan Rêbîn Bekir lankidea, Hewraman eskualde kurduan dokumental bat egitera zihoazen. Beren autoa misil batek jo zuen. Bekir zorteduna izan zen, autoa sutan lehertu baino lehen, inpaktuak... [+]
Sebahat Tuncel Kurdistango politikaria da, Turkiaren menpeko lurretan. Hainbatetan egon da kartzelan kurduen askapen mugimenduaren parte izateagatik, eta Turkiako Parlamenturako diputatu gisa hautatu zuten lehen presoa izan zen, 2007an. 2016an espetxeratu zuten azkenengoz eta... [+]
Helikoptero eta gerra hegazkin turkiarrek betetzen dute zerua Irak iparraldeko kurduen zonaldean. Azken asteetako operazio militar handian 381 kokaleku bonbardatu ditu Turkiako Aire Armadak Kurdistango Eskualde Autonomoan. Turkiako Defentsa Ministerioak adierazi du “talde... [+]
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.