Jantokiak itxita edota edukiera mugatuarekin daudenez, guraso langileek ez dakite haurrak non utzi. Egoera konpontzeko esku hartzeko eskatu diote Eusko Jaurlaritzari.
Gasteizko hainbat ikastetxetako familiek 'tuperrada' egin dute asteazken honetan Eusko Jaurlaritzaren aurrean. Elkarretaratzean, gurasoek protesta egin dute eskola-jantokien egoera salatzeko.
Hainbat ikastetxek jantokiko ateak ez zabaltzea erabaki dute, eta beste zenbaitetan, aldiz, ez daude behar adina plaza. Ikastetxeek salatu dutenez “ezinezkoa Hezkuntzako araudia egungo langileekin betetzea”. Eta Eusko Jaurlaritzak ez du aurrekontu handiagorik jarri ordea zerbitzu hori behar bezala betetzeko.
Araudiak zehazten duenez, ahalik eta harreman gutxien izan behar da bizikidetza-taldeen artean, 1,5 metroko distantzia gorde behar litzateke gutxienez. Hori jantokietan betetzea zaila da, mahaietako espazio asko baliogabetuta geratzen baitira. Kasu askotan, jantokiko espazioa ia osorik zegoen joan den ikasturtean. Eta ikastetxean bertan beste aukera bat aurkitzea ez da hain erraza. Espazioak erabilera desberdinetarako erabil daitezke, baina erabilera baten eta bestearen artean desinfektatu beharko lirateke; jateko denbora mugatua da ordea.
Hezkuntza Sailak eskatu du jantokiaren erabilerarako bekadunek lehentasuna izatea. Baina ikasle horiek jantokietan geratzen diren guztien zati txiki bat baino ez dira. Eskolako jantokirik gabe, familia askok ez dakite zer egin seme-alabekin, eta irtenbide bat bilatu beharrean dira: lanetik irtetea edo arreta emango dien norbait lortzea.
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]