Tubacexeko kaleratzeak balioagabetu ditu Auzitegi Nagusiak
Tubacexen Aiaraldeko bi lantegietan egin dituzten EEEak eta 129 kaleratzeak balio gabe utzi ditu EAEko Justizia Auzitegi Nagusiak. Langileak berriz onartzera behartuta dago zuzendaritza, baina helegitea jarriko duela aurreratu du dagoeneko.
Ekainaren 21ean eta 22an egin zen epaiketa, eta iritsi da ebazpena: Auzitegiak ez du onartzen lanpostuak suntsitzea dakarren neurririk, “ez baitago EEEa aurkezteko eta langileak kaleratzeko arrazoi nahikorik". Pandemiak eragindako egoera puntuala ezin dela langileen kaleratze bilakatu defendatu izan du enpresa batzordeak.
Helegitea
Enpresako zuzendaritzak langileak berriz ere onartu beharko ditu, baina Madrilgo Auzitegi Gorenean helegitea aurkeztuko duela iragarri du. Zuzendaritzak ez du ulertzen zergatik ez den hartu aintzat "Oil&Gas sektoreak energia-trantsizioak eta deskarbonizazioak eragindako negozio-eredua nabarmen aldatu duela".
Borroka irmoa
Otsailean hasi zuten langileek greba mugagabea, eta ordutik tinko aritu dira euren eskubideen alde borrokan. Ezagunak dira burutu dituzten ekintza eta piketeak, eta beraien aurka egin izan du Ertzaintzak, behin baino gehiagotan.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.