Tokiko elikagai ekologikoen aldeko apustua egingo dute Laudio Ikastolan
Otsailetik aurrera eskainitako menuan elikagai ekologikoak txertatzen hasi dira eskolan, eta “Kilometro 0 jatorriko elikagaien saskia handitzea” bilatuko dute ere. Gainera, plastikorik gabeko egunak izaten saiatuko dira ere ikastetxean.
Elikagai ekologikoak erabiltzen hasi dira Laudio Ikastolako jantokiko menuan otsailean. Gainera, ikastetxearen beste helburua da egunerokoan erabiltzen duten “Kilometro 0 jatorriko elikagaien saskia handitzea”, ohar batean adierazi duten arabera.
Harira, dagoeneko “erosketen %65” hurbileko hornitzaileetara bideratzen dutela gehitu dute, “urtero 80.000 eurotik gorako gastua” eskualdean.
Elikagai ekologikoak ikasleen dietan sartzeko lehenengo platerean egin ohi duten barazki eskaintzan “azalore ekologikoa edo barazki ekologikoz soilik prestatutako purea” sartu dituzte, besteak beste.
Horretarako, “hurbileko ekoizleengana” jo dutela argitu dute, eta proiektua Josemi Atxaren Kasille baserriko nekazaritza-ustiategiarekin hasi dutela argitu dute.
Kilometro 0ko elikagaiei dagokienez, Okondoko arrautzak, Laudioko odolosteak edo Orozkoko txorizoak bezalako produktuak erabiltzen dituztela esan dute.
Esnekien esparruan, esaterako, Goiuriko gazta aldiro eskaintzen hasiko direla zehaztu dute. Dena den, beste hainbat esneki ikastolako sukaldean prestatzen ziren jada.
Kontuan hartu beharra dago ikastolak 540 menu prestatzen dituela egunero, “bataz beste ikasleen %65”. Bestalde, Eskola Agenda 21 programaren harira, jantokian “plastikorik gabeko egunak” egitea bilatuko dute ere.
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]
Bidaia hau hasi nuenean, ikuspuntu erromantikoz imajinatzen nituen baso jangarriak: zuhaitz artean ibili, fruitu goxoak dastatu, loreak usaindu... baina baso jangarriek badituzte arantza ugari ere, porrotak, erratak... Gaur, ikasketa politak eskaini dizkidaten porrot horietako... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Elikagaien prezioak zergatik igo dira hainbeste? Nola ezartzen dira prezioak? Juanma Intxaurrandieta Nafarroako Unibertsitateko ekonomia irakaslea eta INTIAko kudeatzaile ohia da, egun erretiratua. Eli Pagolak Egonarria saioan egin dion elkarrizketan, hizkuntza arruntean eta... [+]
Gaubea haranean, Tobillas herriaren alboan, Serna deitzen dioten nekazaritzarako lursail bat dago. Baina ez da baratze soil bat: historiak eta arkeologiak diote 1.300 urteko bizia duela eremu horrek. Herritarren langintza kolektibo baten emaitza izateaz gain, parada ematen du... [+]