Hamasek eta Yihad Islamikoak dekalogo bat osatu dute 10 urteko su-etena lortzeko, Palestina eta Israelgo zenbait komunikabidek zabaldu dutenez. Nazioarteko aireportua eta itsas portu bana eraikitzea dira puntu nagusiak, Hamasek ofizialki baieztatu ez badu ere.
Ondorengo 10 puntutako zerrenda bitartekaritza lanak egiten ari den Egiptoko Gobernuari helarazi zaiola zabaldu da:
1) Bi aldeek gerrarekin amaitzea. Tankeak lehengo haien posizioetara eramatea. Nekazariak mugetako nekazal guneetara itzultzea han lan egin ahal izateko.
2) 2014ko ekainaren 23tik hona atxilotutako palestinar guztiak askatzea. Preso palestinarren baldintzak hobetzea, batez ere Jerusalem, Gaza eta barrukaldeko (gaur egun Israel) presoena.
3) Gazako setioa bertan behera uztea eta mugetako pasabideak irakitzea jendea, janaria eta industriarako baliabideen elkartrukerako. Baita Gaza osoa elektrizitatez hornitzeko moduko indarretxe bat eraikitzea.
4) Nazioarte mailako itsas portu bat eraikitzea, baita Nazio Batuek eta lerratu gabeko herrialdeek ikuskatutako nazioarteko aireportua ere.
5) Arrantzan egiteko perimetroa 10 kilometrotara zabaltzea eta Gazako arrantzaleei arrantzarako zein kargarako itsasontzi handiagoak bermatzea.
6) Egipto eta Gaza arteko Rafahko pasabidea nazioarteko pasabide bilakatzea, Nazio Batuen eta zenbat herrialde arabiarren zaintzapean.
7) 10 urteko su-eten akordioa sinatzea, nazioarteko zaindariak mugetan ezarriz.
8) Palestinako aire-eremua ez urratzeko Gobernu okupatzailearen konpromisoa eta Al-Aqsa mezkitako fededunen baldintzak arintzea.
9) Okupatzaileak ez du Palestinako Gobernuaren aferetan parte hartuko eta ez du berraskidetze nazionala oztopatuko.
10) Mugaldeko industria guneak konpontzea, haien babesa eta garapena erraztuz.
32.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Hezbollah, Ekialde Hurbileko miliziarik boteretsuena, Libanoko lurretatik Israeli eraso egiten hasi zen, Gazako sarraskia hasi eta biharamunean. Palestinari elkartasuna adierazteko bigarren fronte honen etorkizuna Zerrendan gertatzen denarekin lotuta dago. 91.000 lagun inguru... [+]
Europar Batasuneko hizkuntza diplomatikoa bederen aldatu egin da Israelekiko, eta martxoaren 21ean eta 22an Bruselan egiten ari den gailurrean, Europar Kontseiluak su-eten eskaera luzatu dio Israeli. Bost hilabete behar izan ditu horretarako, orain arte “eten... [+]