Ukraina ekialdean "bakea lortzeko urratsak" adostu dituzte Moskuk eta Kievek
Vladimir Putin eta Petro Poroxenko Errusiako eta Ukrainako presidenteek su-eten iraunkorrerako baldintzak adostu dituzte Ukraina ekialdean, Poroxenkoren prentsa bulegoak jakinarazi duenez. Errusiako Gobernuaren iturriek ñabardura egin dute, beraiek gatazkaren parte ez direla adieraziz.
Poroxenkok eta Putinek asteazken goizean telefonoz izandako elkarrizketaren ondoren etorri da albistea. “Elkar ulertzea lortu da borrokei amaiera emateko hartu beharreko urratsetan”, jakinarazi dute Ukrainako presidentearen mandatariek RT hedabideak argitaratu duenez.
Kremlinek ñabardurak egin ditu: Ukrainak "su-eten iraunkorraz" hitz egin badu ere, hitz horiek ez dira egokiak Dimitri Peskov Errusiako presidentearen prentsa buruaren iritziz. Peskovek seinalatu duenez, Errusia ez da gatazkan parte aktiboa eta beraz Moskuk nahiago du "indarkeriaren amaierara iristeko baldintzez" hitz egin.
Errusiako agintarien oharraren ondoren, Kievek elkarrizketen emaitzaz egin duen irakurketa moldatu du.
Bi aldeen mezuek iradokitzen dute gatazka amaitzeko oinarri komunak egon daitezkeela. Putinen gobernuak gatazkaren parte ez dela esatearekin bere burua babestuko luke. Izan ere, su-etena Errusiak adostu duela publikoki adieraziz, inplizituki onartuko lukete Donbasseko oposizio armatuarekin izan duen inplikazioa, orain arte ukatu duen zerbait.
Errusiako hauteskundeetan, Vladimir Putin presidenteak botoen %87 lortu du eta agintean izango da 2030era arte. Putinek adierazi du Navalni trukatzeko ituna egina zuela oposizioko kidea hil baino egun batzuk lehenago.
Bi urte joan dira Errusiak Ukraina ofizialki inbaditu zuenetik eta denak adierazten du Errusiak lortu duela aurrea hartzea Ukrainari. Errusia gai izan da gerra industria baliatzen herrialdeko ekonomia haizatzeko, bere baliabide energetikoei beste aterabide bat bilatzeko eta... [+]
Ukrainako gerra hasi zenetik bi urte betetzear direnean, Errusiaren kontrako hamahirugarren zigor-sorta adostu du Europar Batasunak. Orain arteko zabalenetakoa da, eta aurrenekoz barne hartzen ditu Txinako enpresak ere.
Siberiako taigan duela 8.000 urteko gotorlekua topatu dute Berlingo Freie Universitäteko ikerlariek, inoizko zaharrena. Gotorlekuak Iraultza Neolitikoarekin batera iritsi zirela uste izan da luzaroan, nekazaritzak komunitateak egonkortzea ekarri zuelako.
Baina duela... [+]