Ukrainako Independentzia Egunean, Kievek eta Moskuk 146na preso trukatu dituzte
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure etorkizuna guk erabakitzea".
34 urte bete dira igandean Ukrainak SESB Sobietar Errepublika Sozialisten Batasunarengandik independentzia aldarrikatu zuenetik, 1991n. Bada, ukrainarrentzako kutsu sinboliko ugariko eguna izateaz gain, aurrerapauso bat eragin du Errusiaren aurkako gerrari dagokionez: Arabiar Emirerri Batuek eginiko bitartekaritzak fruituak eman ditu, eta Kievek eta Moskuk 146na presoren trukea gauzatu dute, horietatik ugari 2022an atxilopean zeudelarik. "Preso trukeak aurrera doaz, eta hori posible da gure borrokalariei esker", adierazi du Ukrainako presidente Volodimir Zelenskik sare sozialetan.
Oraingoz su-etenerako akordiorik adostea lortu ez badute ere, Ukrainako eta Errusiako ordezkariek aurrez aurre izandako elkarrizketek gerran preso hartutako bi aldeetako ehunka soldadu eta zibil aske uztea ekarri dute. Esaterako, maiatzaren amaieran hiru egunetan zehar Kievek eta Moskuk 1.000 preso trukatu zituzten: maiatzaren 25ean, zehazki, orain arte eginiko preso trukerik handiena gauzatu zuten, bi aldeek 390na preso aske utzi baitzituzten.
Istanbuleko (Turkia) elkarrizketetan Moskuko ordezkarien buru izan zen Vladimir Medinskik, berriz, jakinarazi du preso trukeari esker Ukrainak Errusiako Kursk eskualdean "legez kanpo atxilotutako" zortzi zibil euren bizilekuetara itzuli direla. Kievek Errusiako lurretan egin duen erasoaldirik handienari ekin zion 2024ko abuztuaren hasieran, eta aste gutxiren buruan Ukrainako armadak Kursk eskualdeko ia 1.400 kilometro karratu okupatzea lortu zuen, guztira 100 herrixka eta hiri inguru. Kursken soldadu ukrainarren presentziari zortzi hilabetez eustea lortu zuten, apirilaren amaieran Errusiak eskualdean kontrola berrezarri zuen arte, Ipar Koreako milaka soldaduren laguntzarekin.
Zelenski: "Ukrainak askatasunaren alde borrokatzen jarraituko du"
Independentzia Egunaren harira, ukrainarrei zuzendutako agerraldi batean Zelenskik adierazi du Ukrainak "askatasunaren alde" borrokatzen jarraituko duela, bere independentzia eta subiranotasuna defendatzeko: "Bakea behar dugu, eta ukrainarrek euren etorkizuna erabakitzeko eskubidea izatea". Sare sozialetan argitaratutako mezu batean, berriz, Ukrainako presidenteak esan du "fio" direla Errusiaren aurkako gerrarekin herrialdearen independentzia defendatuko dutela: "Ukrainarrek lur hauetan bizitzen jarraituko dute, ehun urtera Independentzia Eguna ospatzen jarrai dezaten".
Sinbolikotik ugari duen eguna une zail batean ospatu dute ukrainarrek. Izan ere, gerraren baitan azken asteetan izan diren gertakariek agerian utzi dute frontean Ukraina galtzen ari dela Errusiaren aurka: duela bi aste, AEBetako presidente Donald Trump eta Errusiako haren homologo Vladimir Putin Alaskan bildu ziren, gerraren etorkizunaz mintzatzeko. Ukrainari eta Europari bizkarra emanda egin zuten bilera bi agintariek, eta jakinarazi zuten gerra amaitzeko bake akordio batek posible lukeela barne hartzea Errusiak Ukrainan okupatuta dituen hainbat eskualde bereganatzea –2014tik anexionatuta duen Krimea eta Luhanskek eta Donetskek osatzen duten Donbass eskualdea, zehazki–.
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]