Sopelan jazotako eraso homofoboa salatzeko elkarretaratzea egingo dute barikuan

  • Aurreko asteko barikuan, sopeloztar batek jasandako irain eta mehatxu homofoboak salatzeko elkarretaratzea egingo dute barikuan, ekainaren 3an, 20:30ean, Sopelako udaletxearen atarian. Ukatu, Sopelako neska gazteen taldeak egin du erasoaldia gaitzesteko deialdia.


2022ko ekainaren 01an - 17:04
Bilboko Udalaren aurrean egindako salaketa bilkura. (Argazkia: Uriola)

EH Bilduk salatu ditu gertaerak eta koalizio abertzaleko kideek jakinarazi dutenez, aurreko barikuan, maiatzaren 27an, sopeloztar batek beste auzokide batengandik irainak eta jazarpen homofoboa jasan zuen. Erasoa pairatu zuen herritarrak gorroto-delitua salatu zuen, udaltzaingoak hala egitea gomendatu omen baitzion.

Era berean, Sopelako EH Bilduk maiatzaren 26ko osoko bilkuran onartutako adierazpen instituzionalaren mezua ere gogoratu du; izan ere, maiatzaren 17a LGTBI+fobiaren Aurkako Nazioarteko Eguna izan zen eta azpimarratu zuten gizarte osoaren erantzukizuna dela diskriminazioa eta indarkeria mota guztien aurka borrokatzen jarraitzea: "Herritar guztion zeregina da ahaleginak batzea gizarte inklusibo eta anitz bat lortzeko". Era berean, LGTB+fobiaren kontrako borrokan beraien burua berretsi dute, eta erasoa jasan duen sopeloztarrari  babesa adierazi diote.


Kanal honetatik interesatuko zaizu: Homofobia
Errezilgo jaietan izandako eraso homofobo bat salatu dute

Errezilgo Udalak jakinarazi duenez, aurpegia estalirik eta jarrera “oso bortitza” zuen gizon talde batek bikote baten etxeari eraso egin eta bikotea iraindu zuen. Udalak erasoa gaitzetsi du.


Alemaniako futbolari gay-ak zergatik ez dira azkenean ausartu armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Bi eraso homofobo salatu dituzte Gipuzkoan

Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.


Bi homofobok sudurra apurtu diote Asierri Bilbon: “Kikilduta nahi gaituzte, erantzun egin behar zaie”

Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]


2023-07-26 | Ilargi Manzanares
Elantxoben eta Bilbon eraso LGTBfoboak salatu dituzte

Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.


Eguneraketa berriak daude