Gay eta lesbianen eskubideen kontra dabilen La manif pour tous taldeak finkaturiko elkarretaratzearen parean kontra-manifestazioa eginen dute urtarrilaren 30ean, 15:30etan Baionako Jacques Porte plazan.

69 herrialdetan (munduko herrialdeen hirutik batean) sexu berekoen arteko harremanak legez zigortzen dituzte oraindik, horietatik hamaikatan heriotza zigorrarekin. Kontrako norabidean, 28 herrialdek onartu dute dagoeneko sexu berekoen arteko ezkontza eta beste 34tan homosexualen arteko batasun zibilen bat. Homofobiaren mapa gaurkotu du nazioarteko LGBTI elkarteak.

Partidua irabazten ari zen San Diego Loyal futbol talde estatubatuarra, baina homosexuala dela publikoki esana duen jokalarietako batek aurkariarengandik irain homofoboa jaso eta azkar hartu zuen erabakia San Diegoko entrenatzaileak: zelaia berehala uzteko agindu zien bere jokalariei. “Hau futbola baino handiagoa da”, adierazi du klubak.

Javier Ruiz Astizen lanak Errege Artxiboan eta Artxibo Orokorrean gordetako prozesu judizialak aztertzen ditu. Bertan ageri denez, agintari zibil zein erlijiosoek gogor zapaldu zituzten jokabide homosexualak.

Carles Ponsí komikilari katalanari gertatu zaio, Harrotasunaren Eguna izan berritan. Komikien erreseinak egiten dituen webgune batek esan dio ez dutela komikia aipatuko, “lan ona, dibertigarria eta oso barregarria” izan arren “sozialki tentsio handiko unea bizi dugulako hainbat gai delikaturen inguruan. Gure irakurle gehienak heterosexualak direnez, LGBT komiki baten erreseina egiteak kalte egin diezagukeela uste dugu”.

Landa eremuko baserritar tradizional homosexuala batetik, emakume edadetu lesbianak bestetik, hainbat tabu jarri zituzten mahai gainean Ander eta 80 egunean filmek. Hamarkada bat igaro den arren, tamalez gaurkotasun bera dute istorioek eta hainbatentzat kultuzko film dira dagoeneko. Harrotasunaren Eguna aitzakia hartuta, bi harribitxi horietako aktore eta zuzendariekin aritu gara eta zinemak LGBTI+ gaiak eta pertsonaiak pantaila handian nola irudikatzen dituen izan dugu hizpide, besteak beste.

Kirola, eta futbola zehazki, balore hezitzaileak transmititu eta integrazioa sustatzeko bitarteko eraginkorra izan daiteke. Oraindik ere, baina, gizarteko beste esparru batzuetan nekez onartzen den indarkeria azaleratzen da astebururo, futbol zelai batean ez bada bestean; partidaren beroan ez bada, ezikusiarena egiten duen bulego hotz batean. Adin txikikoak dira askotan horiek sufritzen dituztenak, eta gizonezkoak gehienetan erantzuleak, izan guraso, jokalari, entrenatzaile edo klubetako... [+]

Gezurra badirudi ere, leku gehientsuenetan oraindik legalak dira homosexual izateari uzteko terapiak. Malta eta Suitzaren bideari jarraiki, Alemania da praktika hori debekatu duen Europako hirugarren herrialdea, baina adin txikikoei zuzenduriko terapiak soilik. Horretara bultzatzen dituzten gurasoak ere zigortuko ditu legeak.

"Covid-19ko pandemia Jainkoak gizateriari egindako oihua da, desordena sozialaren, abortuaren, indarkeriaren, ustelkeriaren, eutanasiaren eta homosexualitatearen aurrean", adierazi du Ramon Castro Castrok, Mexikoko Cuernavacako Elizbarrutiko gotzainak.

Hogeita hamar herri, probintzia eta eskualde baino gehiago dira jada, iazko abuztutik LGBTI pertsonarik gabeko gune deklaratu dituztenak Polonian, administrazioak berak bultzatuta. Pegatinak ere banatu dituzte, judutarrak onartzen ez zituzten espazioak markatzeko Hirugarren Reichean egiten zuten gisan.