Bi eraso homofobo salatu dituzte Gipuzkoan
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Tolosaldeko Itaiak salatu du Inauterietan eraso homofobo bat egon zela Montezkue auzoan. Lau mutil gaztek burla homofoboak egin zizkieten beste bi mutil gazteri. Erasotzaileen jarrera oldartzen joan zela adierazi dute, eta erasoa pairatzen ari ziren gazteak “larrituta ihes egin behar izan zutela erasoaren intentsitatea igotzeko beldurrez”.
Tolosaldeko Itaiatik babesa eta elkartasuna helarazi diete erasotuei eta ingurukoei. “Horrelako eraso homofoboak ez dira inondik inora ere egoera isolatuak eta zapaldutako kolektiboen aurkako jarrera erreakzionarioak, eta bereziki gazteetan ematen ari den gorakadak, larritasun handiko problematikak dira”, adierazi du Tolosaldeko Itaiak.
Señora Bertso Eguna
Señora Bertso Egunean, Soraluzen, mutil gazte kuadrilla batek eraso bat egin zion bikote bati larunbatean, otsailaren 17an. Etxera zihoazela mutil talde bat gurutzatu eta mespretxuzko hitz oihukatu zizkieten.
Antolakuntza taldetik erasoa gaitzetsi dute eta babes osoa adierazten diete erasotuei. “Oso haserre gaude”. “Gero eta argiago dugu espazio seguruak beharrezkoak direla emakume eta genero disidenteontzat”. Espazio horiek sortzen jarraituko dutela diote.
Heteros de mierda, aurrean izango gaituzue. ? Eraso homofoboa Señora Bertso Egunean ?. Sexu-genero disidenteontzat espazio seguruak sortzen segiko dugu. ?? pic.twitter.com/D4WL5YZEnm
— Haizea Arana (@haizeArana) February 19, 2024
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.