“Metro pasantearen inposaketari aurre egiteko” martxo bete ekimen Donostian
Satorralaia bizilagunen mugimenduak deialdia egin die Donostiako talde sozial eta persona guztiei martxoan zehar egingo dituzten informazio eta salaketa ekintzen dinamikan parte har dezaten. Apirilaren 1ean larunbata "Metroaren pasanteari ez!" lemapean manifestazioa egingo dute, eta martxoan zehar ekimen ugari prestatu dituzte, autobus publikoetan eta Donostiako auzoetan informazioa emateko, batez ere. Martxoaren 16an Gasteizera autobusa antolatzen ari dira, Eusko Jaurlaritzaren aurrean elkarretaratzea egiteko.
Martxoak 1 asteazkena prentsaurrekoa
Mobilizaziorako deia egiteko prentsaurrekoa egingo dute Donostiako udaletxearen aurrean, 11:00etan. Manifestaziorako deialdia eta mobilizazio horren aurretik egingo dituzten ekintzak publikoki jakinaraziko dituzte. Metro-pasantearen gaiaren egungo egoerari buruzko irakurketa egingo dute. "Uneotan mobilizazioa bultzatzeak duen garrantzia azpimarratuko dugu proiektu horren inposaketari aurre egiteko".
Martxoak 4etik 15era autobusetan informazioa
"Garraio publikoaren erabiltzaileei metroaren pasantearen proiektuak autobus zerbitzuetan aurrikusten dituen murrizketei buruz informatzea da helburua". Lehen ekintza informatiboa martxoaren 4a larunbatean egingo dute, Boulebarreko markesinetan 11:30etik 14:00etara. Hurrengo egunetan ekintza informatibo puntualak egingo dituzte talde txikitan hiriko autobus geltokietan. Ekimen honi amaiera emateko, martxoaren 15ean Dbus-eko langileen Kurpil elkartearen hitzaldi informatiboa antolatu dute Lugaritz kultur etxean 19:00etan.
Martxoak 16 osteguna, Lakuan kontzentrazioa
Gasteizen Eusko Jaurlaritzaren egoitzaren aurrean metroaren pasantea gelditzeko eskatuko dute kontzentrazio batekin. Dbus-eko Kurpil langile elkartearen laguntzari esker, bidaia dohainik izango dela jakinarazi dute. Izen emateak ireki dituzte satorralaia [abildua] gmail.com helbidean. Autobusa 9:00etan abiatuko da Pio XII plazatik eta Lakuan elkarretaraztea 11:00etan egingo dute. Autobusa 12:30ean abiatuko da bueltan Gasteiztik, Donostiara 13:45ak aldera iristeko.
Martxoaren 21etik 25era auzoetan informazio banaketa astea
Hiriko puntu ugaritan informazio orriak banatu nahi dituzte. Laguntza eskatu dute kalean, lantokian edo ikastetxeetan materiala banatzeko, eta horiek eskuratzeko, aurrez aipatutako emailera idazteko eskatu dute. Horrez gain, martxorako erakusketa informatibo bat prest edukitu nahi dutela diote, auzoz-auzo mugitzeko.
Martxoak 30 ostegunean prentsaurrekoa
Manifestaziorako azken deia egingo dute Koldo Mitxelenan 11:00etan.
Apirilak 1 larunbata manifestazioa
"Metroaren pasanteari ez!" lemapean, 12:00etan manifestazioa egingo dute Easo Plazatik abiatuta.
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria"... [+]
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]