Sanferminak “nahi bezala gozatzeko eskubidea” aldarrikatu dute Iruñean, ostiraleko sexu erasoa eta gero
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik gabeko jaietan gozatzeko eskubidea aldarrikatu dute. Baionako jaietan, indarkeria sexistarako prebentzio guneari eraso egin zioten ostiralean.
Ehunka lagunek Gaztelu Plaza bete dute. Mugimendu Feministak egin du deialdia eta han bildu dira herritarrak, ordezkari politikoak, peñak eta jaietako beste hainbat talde.
Emakumeek sanferminak “nahieran gozatzeko eskubidea” aldarrikatu dute, “indarkeriarik gabeko bizitza bizitzeko eskubidea dugun bezala”. Gogorarazi dute emakumeek sexu indarkeria jai egunetan soilik ez dutela pairatzen, baizik eta egunero gertatzen dela etxeetan, lantokietan, eskoletan eta kuadrilletan. Gizonei zuzendu zaie agiria irakurri duen emakumea: “Zuk egiten duzun moduan egin nahi dugu, beldurrik gabe, epairik gabe, mugarik gabe. Aske izan nahi dugu. Ez zaitugu erasotzen, ez zaitugu epaitzen, bizitzen uzten dizugu”. Gizonei eskatu diete “horrela jokatzen ikasteko”, eta bestela “etxean geratzeko”. Eraso matxista orori erantzungo dietela gehitu du.
Azpimarratu du biztanleriaren erdia direla emakumeak, zaintza sistemari eusten diotela, eta produzitzen eta erreproduzitzen dutela. Nekatuta daudela epaituak, bortxatuak, gutxietsiak, gutxi ordainduak, jazartuak, eta esplotatuak izateaz, eta ez diotela borrokatzeari utziko.
Administrazio publikoei baliabide espezializatuak eta behar adinako aurrekontuak eskatu dizkiete, emakumeei laguntzeko eta zerbitzua emateko. Iruñeko Udalak elkarretaratzea baino ordu batzuk lehenago adierazpen instituzionala onartu du, eta intentsitate handiko sexu erasoa “irmoki” gaitzetsi. Emakumeari eta haren ingurukoei babesa eta elkartasuna adierazi die, baita haren eskubideak eta intimitatea gordetzeko errespetua ere.
Uztailaren 11ko erasoa ikertzen ari da Udaltzaingoa
Emakume batek intentsitate handiko sexu erasoa salatu zuen uztailaren 11n, ostiral goizaldean, Iruñeko etxebizitza batean gertatutakoa. Oraingoz ez dago atxiloturik. Segurtasun indarrek jakinarazi dutenez, zortzi gizon atxilotu dituzte sanferminetan intentsitate baxuko erasoak egiteagatik. Uztailaren 5ean, berriz, erasotzaile bat kartzelaratu zuten 10 urteko neskato bat barraka gunetik eramaten saiatzeagatik eta 16 urteko bati ukituak egiteagatik.
Baionan, indarkeria sexistarako prebentzio guneari erasoa
Uztailaren 11n indarkeria sexistarako prebentzio guneari eraso egin zioten Baionan. Herriko Etxearen babesarekin, hainbat kolektibok kudeatzen dute Maina gunea Baionako jaietan, indarkeria matxistatik babesteko baliabideak eta informazioa eskaintzeko. Profesionalek eta boluntarioek egiten dute lan. Naiz hedabideak jaso duenez, ezezagun batzuek herritarrentzako prestatuta zeukaten materiala lurrera bota zuten. Uztailaren 12an udalak, 2032 kolektiboak eta elkarte feministek elkarretaratzea deitu zuten erasoa gaitzesteko.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Uda giroan barneratuta, heldu dira herriko festak, baita sexu erasoen salaketen gorakada ere. Gozamenerako guneak sortzeko hilabeteetako lana egiten dute jai eta txosna batzordeetako kideek, eta goraipatzekoa da espazio horiek bermatzeko herritar boluntarioek egiten duten... [+]
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Adimen Artifizialaz egindako bideoak sareratu dituzte, Mengolini difamatzen dutenak. “Gorrotoa bultzatzea, indarkeria kolektiboa eta bortxazko mehatxuak” izan direla salatu du kazetariak, eta zigor bideari ekingo diola.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute