Psikologo eta psikiatra hauek adierazi dute epaitu dituzten gazteek ondorengo zantzuak zituztela atxiloketa aurreko egoerarekin erkatuta: estres postraumatiko larriak, depresio sakonak, izaeran aldaketa erradikalak. Hala ere, Angela Murillo buru duen epaitegiak ebatzi zuen "tortura salaketak ez dira inondik ere ziurtatu".

Perituek salatu dutenez "kasu guztietan bazen aurkikuntza kliniko eta tortura testigantzen arteko bat-etortze bat". Sententzia beren lanarekiko eta Istanbulgo Protokoloarekiko errespetu falta gisa ulertzen dute.

28 gaztetik 19k torturak salatu zituzten, eta zigortutako 7 gazteen aurkako froga bakarrak torturapean ateratako deklarazioak direla salatu dute.