Iratxe Sorzabalen aldeko epaiari helegitea aurkeztuko dio fiskalak
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi Nazionalak maiatzaren 8an; fiskalaren ustez “modu boluntarioan eta libre” autoinkulpatu zen.
1995ean ETAk burututako atentatu batengatik epaitu zuten Sorzabal Auzitegi Nazionalean. Bere erruduntasunerako froga bakarra, ustez Sorzabalek berak ETAko zuzendaritzari idatzitako gutun bat zen, zeinean, besteak beste, atentatu horretan parte hartu izana aitortzen zuen. Maiatzaren 8an emandako epaian, epaileek ebatzi zuten gutun hori inkomunikazio aldian Guardia Zibilak eragindako torturen ondorioz idatzi zuela Sorzabalek, eta berariaz aipatu zuten elektrodoen erabilera. "Proba fisikoak eta psikologikoak tortura alegazioekin bat datoz”, jasotzen du epaiak.
Asteazkenean jakinarazi du Auzitegi Nazionaleko fiskalak kasazio helegitea aurkeztuko duela epaiaren aurka Espainiako Auzitegi Gorenean. Auzitegi Nazionalak Sorzabal errugabetuta emandako epaia oinarritik kritikatu du fiskalak: “Epaiak baieztatzen du, oinarririk gabe, ustez irizpide juridikoen kontrako zeharkako lotura bat dagoela tratu txarren pean egindako polizia deklarazioaren eta gutunaren artean”. Kontrara, fiskalaren ustetan, Sorzabalek “modu boluntarioan eta libre” idatzi zuen gutun autoinkulpatorioa.
Epai historikoa
Sorzabalen aldeko epaiak erreakzio ugari (eta beste hainbat isiltasun) piztu zituen Euskal Herrian. Besteak beste, Egiari Zor fundazioak “historikoa” dela adierazi zuen, “bere eduki eta irmotasunagatik”. Torturen egileak identifikatu eta epaitzeko asmoz Nazio Batuen Erankundera jotzeko asmoa iragarri zuen Giza Eskubideen Behatokiak. Aiert Larrarte Sorzabalen abokatuak Estrasburgoran joko dutela azaldu zuen, gaur egun Sorzabal Zaballako espetxean mantentzen duen zigorraren froga bakarra gutun bera delako. Euskal Herriko Torturatuen Sareak gainontzeko epaiketa guztietan ere tortura bidez eraikitako frogak indargabetzeko eskatu zuen.
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.