Guardia Zibilak Lesakako gazte bat "metrailetaren mehatxupean miatu" izana salatu du Lesakako Sortuk

  • Covid-19ak sortutako osasun krisian "Espainiako indar armatuak euren burua zuritzeko saiakerak" egiten ari direla kritikatu du Sortuk ohar bidez, eta gaineratu duenez, "horren adibide argia izan genuen astearte arratsaldean Lesakan".

Artikulu hau CC BY-SA 3.0 lizentziari esker ekarri dugu.

2020ko maiatzaren 01an - 14:35
Lesaka / Erran.eus

«Errepresio urte ilunenak oroitzeko asmoz» astearte arratsaldean Lesakan Guardia Zibila agertu zela dio Lesakako Sorturen oharrak eta «zuzenean herritarren kontra jo» izana salatu du. «Egia ur azalera muralaren azpian, torturaren testigantza gordinaren adierazle den lekuaren aitzinean». Honela kontatu du gertatutakoa: «herriko gazte batek lanetik etxerako bidean kotxea aparkatu berria zuela, guardia zibilak patroletik jaitsi eta galderak egiten hasi zitzaizkion. Hasieran, zoritxarrez ohiko bihurtuak direnak, eta denborarekin gero eta erasokorragoak. Metrailetaren mehatxupean, gaztea miatu zuten». Horren ondotik, «galdeketa luzea jasan» zuela azaldu du Sortuk: «galdeketa politikoa, bere ideologiaren inguruan». Gaineratu duenez, «erasokor eta probokatzaile, uniformearen inpunitatez lagunduta, armak eskuetan beti bezain ausart».

Sorturen irudiko, Covid-19ak sortu duen osasun krisi honetan «asteak daramatzagu erantzukizunez jokatzen, kapitalaren gainetik bizitza erdigunean jarriz, zaintzari lehentasuna emanez». Baina «Espainiako indar armatuak euren burua zuritzeko saiakerak egiten ikusi ditugu irudietan: mugak itxiz, karriketatik paseatuz, desinfektatzeko aitzakiarekin inbasio militarrak eginez... laguntzaren aitzakian espainiar nazionalismoari gorazarre eginez». Eta Lesakan gertatutakoa «horren adibide argia» izan zela uste du.

Egoera horren aitzinean, «aski dela» erran du Sortuk: «urte gehiegiz bizitu behar izan ditugu horrelako egoerak. Euskal herritar izategatik, lesakar izateagatik ezin gaituzte karrikan gelditu, galdeketak egin, beldurtzen saiatu...». Hori «ezin dugu onartu», dio oharrak eta «konponbidearen bidean soberan» daudela gaineratu du.

Sorturen ustez, bizitzak erdigunean jarri eta zaintzari eman behar zaio lehentasuna. Eta aldi berean, «bi herri eredu» daudelakoan dago: «Espainiak eskaintzen digu autoritario, zentralista eta militarizatua; edo askapen prozesuak emanen digun herri burujabe, justu eta askea. Guk aukeratu dugu...».

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude