CIAren Poloniako espetxe klandestinoen ikerketa oztopatzen ari direla salatu dute
Poloniak espetxe klandestinoak zituela eta AEBetako Inteligentzia Agentzia Zentralak (CIA) 2002az geroztik Europako ustezko terroristak galdekatzeko erabiltzen zituela dio hainbat txostenek. Baina ikerketa ofizial batek aurrera egin ez dezan oztopoak jartzen ari direla salatu dute.
Europako Batzordeak eskatutako 2007ko Dick Marty txostenak eta Open Society Foundations erakundearen Globalizing Torture: CIA Secret Detention and Extraordinary Rendition ikerketak diote Polonian espetxe klandestinoak zeudela.
Gaiarekin lotuta herrialdeko fiskaltzak 2008an abiatutako ikerketa ofizialari trabak jartzen ari zaizkiola salatu berri dute. Al Qaedako kide izatea leporatuta, Abd al-Rahim al-Nahsiri atxilotu zuen CIAk 2002an, eta "hobetutako itaunketa teknikak" aplikatu zizkioten, urte horretako abenduaren 4ra arte. Ondoren, zantzuak daude CIAk Poloniara eraman zuela, "itaunketarekin" jarraitzeko. Hori da fiskaltza ikertzen ari zena, harik eta hainbat hedabidek kasua eta ikerketa publiko egin zuten arte. Varsoviako fiskaltzatik Krakoviara aldatu zuten ikerketa eta Al-Nashiriren abokatuak azaldu duenez, ordutik oztopoak baino ez dizkiete jarri kasuan aurrera egiteko.
"Oso-oso arraroa da kasu bera hiru fiskalek ikusi izana –dio abokatuak– eta azken urtean aurrerapenik egin ez izana oso datu tristea da". Helsinkiko Fundazioko zuzendari Adam Bodnar-en esanetan, "ikerketa luzatzeko saiakera guztiek kasu honi buruzko emaitza argirik ez ematea bilatzen dute. Kasu hau harri txintxarra da zapatan, poloniar fiskal eta politikarientzat". Izan ere, 2002-2004 urteetan Polonian lehen ministro zenari eta garaiko inteligentzia zerbitzuetako buruari presoen atxilotze ilegala baimentzea egotzi liezaiekete.
Al-Nashirik Poloniaren aurkako salaketa jarri du Giza Eskubideen Europako Gorteetan. Une honetan, eta trabak traba, zaila dirudi kasua ezkutuan geratzea.
Augusto Pinochet diktadoreak Txilen estatu-kolpea eman zuela mende erdia bete denean, hamaika berba entzun dira herrialdeak bizi duen zatiketaz. Hamazazpi urtetako diktaduraren errepresioa ukatzea da zenbait eskuindarren egungo arma, negazionismo gisa ulertu den diskurtsoarekin... [+]
1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]
CIAko dokumentuek Felipe Gonzalez GALen sorrerarekin lotu ostean, gaiaz hitz egin du Gipuzkoako PSE-EEko idazkari nagusiak Euskadi Irratian, eta adierazi du “egin zuenak ordaindu egin behar lukeela”. EH Bilduk egindako exijentziei dagokionez, “ETAren kalteekin... [+]
Urriaren 9an 50 urte bete dira Ernesto Guevara de la Serna Boliviako La Higuera mendialdeko herrixkan hil zuela Boliviako armadak, AEBetako CIAren laguntzaz. La Higueratik Vallegrandera eraman zuten gorpua.