Torturarekin bukatzeko eskatu diote hamabi Bakearen Nobel saridunek Obamari

  • CIAren galdeketetan torturekin bukatzeko eskatzen duen dokumentu bat sinatu dute hamabi Bakearen Nobel saridunek.


2014ko urriaren 27an - 00:00
Azken eguneraketa: 2015-02-26 13:37:33

Bi eskari nagusi jasotzen ditu testuak: lehenengoa, torturaren erabilpenaren eta hedapenaren inguruko informazioa ematea eta irailaren 11ko atentatuen harira jasotako tortura kasuak biltzen dituen dokumentua publiko egitea; eta bigarrena, gatazkekin lotutako nazioarteko hitzarmenak errespetatzea (Genevako hitzarmena eta Nazio Batuen torturaren aurkakoa, besteak beste).

Lehenengo eskarian aipatzen den dokumentuan agertzen diren tortura kasuez, Nobel saridunek diote beste herrialde batzuk bultza dezaketela “bide bera jarraitzera”. Txostenean azaltzen diren ondorioek baieztatzen dute 2012an Guantanamon eta Abu Ghraiben  martxan jarritako “galdeketa metodo hobetuek” ez dutela aurrera pausorik lortu “terrorismoaren aurkako borrokan”.

Obamaren administrazioa George Bushen garaiko lege-interpretazio baten inguruan eztabaidatzen ari da. Errepublikarrak Etxe Zurian egon ziren azken legealdian erabaki zen torturaren gaineko hitzarmenek ez zutela baliorik AEBetako mugetatik kanpo. Oraino Obamak ez du gaiaren inguruan hitz egin.

Hamabi sinatzaile

The Community webguneak bultzatu du ekimena eta Bakearen bi Nobel saridunek idatzi dute testua: Hego Afrikako Desmond Tutu artzapezpikuak (Bakearen Nobel sariduna 1984an) eta José Ramos-Horta Timor Ekialdeko presidente oihak (Bakearen Nobel sariduna 1996an).

Bi horiez gain, hauek dira dokumentuaren sinatzaileak: Mohamed ElBaradei, Leymah Gbowee, Oscar Arias Sanchez, John Hume, F.W. de Klerk, Jody Williams, Carlos X. Belo, Berry Williams eta Adolfo Pérez Esquivel.


Kanal honetatik interesatuko zaizu: Tortura
Tortura sistematikoa salatu dute Sde Teiman izeneko Israelen atxiloketa eremuan

Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.


'Bi arnas' proiektuaren ziklo amaiera ospatu dute
“Torturak ama eta alabarengan sorturiko zauria arintzen lagundu du dokumentalak”

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


2024-05-02 | Castillo Suárez
Eguna, ordua eta tokia

Tarteka bizitzak ekarrarazten dizkizu ahaztuta nahiko zenituzkeen oroitzapenak. Xafan-ekin geratu naiz gaur kafea hartzeko, Xabier Mendigurenen Oso latza izan da liburuari buruzko solasaldia dugulako gero, eta konturatu naiz inoiz ez diodala ezer galdetu aztnugal hitzarekin... [+]


Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Eguneraketa berriak daude