The Intercept, Washingtongo sekretuak jasoko dituen atari berria

  • Edward Snowden CIAko agente ohiaren filtrazioak jaso eta argitaratu zituzten kazetariek webgune berria sortu dute, AEBetako gobernuaren operazio sekretuak argitaratzen jarraitzeko asmoz: The Intercept.


2014ko otsailaren 12an - 00:00
Azken eguneraketa: 2015-02-26 13:37:33
The Intercept webgune berria. Argazkia: Ara.cat

Glenn Greenwald eta Laura Poitras dira atari horren sortzaileak. Snowdenek AEBetako Segurtasun Agentzia Nazionalaren (NSA) filtrazioak eman zizkien kazetariei eta Greenwald izan zen lehenengoa filtrazioak argitaratzen The Guardian egunkari britainiarrean.

Aldizkari digitala izango da The Intercept. Lehenengo zenbakian, euren eginkizun berriaren sarrera egin dute. NSAren zereginari buruzko erreportajea eskaini dute, baita AEBetako agentzia sekretuetako argitaragabeko satelite bidezko argazkiak publikatu ere.

Kazetari jazarriak

Zuzendariek aurkezpenean adierazi dutenez, gaur egun AEBetako segurtasun nazionalari eta sekretupeko programei buruzko kontuez idazten duten kazetariei lapurreta delituak leporatzen zaizkie. Snowdenek filtratutako dokumentuei buruzko informazioa argitaratzeagatik haren konplize izatea leporatu dietela gogorazi dute.

“Mehatxu horiengatik ez dugu atzera egingo, egiten dugun kazetaritzarekin jarraituko dugu, ekimen honen funtzio nagusietakoa gure prentsa askatasuna defendatzea baita.”, azaldu dute aurkezpenean. “Aurrera jarraituko dugu, menpekotasunik gabeko prentsa askea edozein gizarte demokratiko osasuntsu baten osagai ezinbestekoa dela uste baitugu”.

E-bay-ren sortzaileak finantzatua

Pierre Omidyarrek, E-Bay webgune famatuko sortzaileak, finantzatuko du. Gai askoren inguruko erreportajeak eskainiko dituztela azaldu dute, sekretupeko gaietatik hasita askatasun zibilen bortxaketa, desberdintasun soziala eta ustelkeria politikoa ukitzen dituzten gaiak jorratuz.


Kanal honetatik interesatuko zaizu: Espioitza
Fiskaltzak dio ez dela delitua polizia infiltratuak emakumeekin sexu harremanak izatea

Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.


Sei urtez Madrilgo mugimendu sozialetan infiltratutako beste polizia baten berri eman dute

2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.


2023-07-11 | ARGIA
Auzitegi Nazionalak artxibatu egin du Pegasus espioitza kasua

Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.


2023-04-17 | David Bou
Marc, Dani eta Ramón

Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]


Espainiako Gobernuak onartu du Poliziari baimena eman ziola gizarte mugimenduetan infiltratzeko

Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]


Eguneraketa berriak daude