Venezuelako gobernua aldatzeko Mexiko eta Kolonbiarekin elkarlanean ari direla adierazi du CIAko zuzendariak

  • CIAko zuzendari Mike Pompeok elkarrizketa batean Venezuelaz esandakoak hautsak harrotu ditu. AEBek herrialde horretan dituen interesak eta gobernu aldaketaren alde lanean ari direla azpimarratzeaz gain, Kolonbia eta Mexikorekin elkarlanean ari direla adierazi du.


2017ko abuztuaren 07an - 12:46
AEBtako presidenteak otsailean jaso zuen Lilian Tintori, Venezuelako eskuineko oposizioak nazioartean duen aurpegirik ezagunena.

CIAko buruak ordubeteko elkarrizketa batean esandakoak harrotu ditu hautsak. Siriaz, Ekialde Hurbilaz eta Venezuelaz aritu zen, besteak beste. Hego Amerikako herrialdeaz galdetatuta ondorengoa adierazi zuen AEBetako Inteligentzia Agentziako zuzendariak: "Oso itsaropentsu gaude Venezuelan trantsizioa laster gerta daitekeelako, CIAn, gure onena jartzen ari gara hango egoera ulertarazteko [...] bide horretan azken asteotan Mexiko eta Kolonbian izan gara Venezuelako egoeraren aurrean haiek egin beharko luketenaz eztabaidatzeko". Archive.org webgunean ikus daiteke elkarrizketa osoa.

Venezuelako kantziler Samuel Moncadak salatu zituen CIAko buruzagiaren adierazpenak eta azpimarratu zuen "AEBetako gobernuak indar guztia jartzen ari da Venezuelan estatu kolpea emateko". Ondorengo egunetan Kolonbiako eta Mexikoko gobernuetako ordezkariek ukatu zuten "inolako parte-hartzerik izan dutenik ez Venezuela, ez inon".

Wikileakseko sortzaile eta eledun Julian Assangek ere eman du albistearen berri "AEBek Irak berria aurkitu dute Venezuelan" txioaren bidez.

 


Kanal honetatik interesatuko zaizu: Venezuela
Miren Egiguren. Ez da kikiltzen
“Agortzen ez den iturburu bat daukat barrenean”

Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]


2023-05-05 | Gedar
Nortasun zedula eskuratu du Asier Guridi iheslari politikoak

Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.


Angel Prado. Demokrazia komunala
“Ez dugu irla bat izan nahi”

Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]


Eguneraketa berriak daude