Polizia Indarkeriaren Behatoki Nazionalak sortu du aplikazioa. Poliziaren indarkeria grabatu eta denbora errealean kanpoko zerbitzarietara bidaltzea ahalbidetzen du, poliziek bideoak ezabatu ez ditzaten. Aplikazioa poliziaren gehiegikeriari lotutako hainbat polemikaren ostean kaleratu dute.
Urgence Violences Policières aplikazioak polizia indarkeria kasuak identifikatu eta salatu nahi ditu. Erasoa bideoan grabatuta izanez gero, poliziak identifikatu daitezke, eta beraien aurkako epaiketa hasi. Joan den asten L´Île-Saint-Denisen eraso bat gertatu zen; eta hainbat lekukok grabatu eta bideoa zabaldu zutenez, Frantziako Barne Ministerioak bi polizia agenteen suspentsioa eskatu zuen.
Frantziako Estatuan legezkoa da poliziak grabatzea 2008tik, eta lege horri jarraiki sortu dute aplikazioa. Jakin badakite herritar askok ez dakiela legezkoa denik poliziak grabatzea, eta poliziek hori aprobetxatu egiten dutela beraiek mehatxatzeko.
Dena den, jarraibide argiak eman dizkiete erabiltzaileei bideoaren kalitatea hobetzeko eta identifikazioa errazteko: lasai mantentzea eta garrasirik ez egitea, audioa distortsionatu daitekeelako, eta polizia agentearen aurpegia eta plaka zenbakia grabatzea ahal den heinean. “Helburua jendeak polizia grabatzeko beldurra galtzea da, irudiak urrunetik eta ezkutan grabatu behar ez ditzaten”, dio Amal Bentounsi, Polizia Indarkeriaren Behatoki Nazionaleko bozeramaleak.
Bolondresak izan dira proiektua martxan jarri dutenak; donazio bidez sortu dute aplikazioa, eta erabiltzaileek bidalitako bideoak sailkatzen dabiltzanak ere boluntarioki dabiltza lanean.
Inpunitatearekin amaitzea ere xede
Helburu zuzena erasoak egiten dituzten poliziak identifikatzea bada ere, poliziak duen “inpunitatea” deuseztatzeko helburua ere badu aplikazioak. Frantziako Estatuan poliziak nahi duena egin ahal duenaren sentsazioa duela dio Bentounsik, hori argi ikusi dela azken urteetan estatuan egon diren istiluetan.
Beren ekintzak grabatzeak indarkeria erabiltzeko asmoa kendu diezaiekela uste du. Horregatik, edozein eraso ikusten duen orori luzatu dio grabatzeko deia.
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]