Patinete elektrikoan zihoan gaztea erasotzeagatik epaitu dituzte bi udaltzain Gasteizko epaitegietan. 2023ko martxoan, epaitutako bi poliziek Aimar motorrean pertsegitu zuten zebrabide bat saltatzeagatik. Harrapatu zutenean, bi udaltzainek gaztearen kontra oldartu ziren eta lurrera bota zuten. Lurrean zegoela, hainbat kolpe eman zizkioten poliziek eta ondorioz, gazteari sudurra hautsi zioten. Polizien hitzetan “erorketa” baten ondorioz gertatu ziren lesioak.

Orain, bi urte beranduago, izan da bi udaltzainen kontrako epaiketa. Akusazioak urtebeteko kartzela eta hamar urteko inhabilitazioa eskatzen dizkie, eta fiskaltzat aldiz, bi urteko inhabilitazioa eta kartzela zigor laburragoa. Biek azaldu dutenez, poliziaren jarduera desproportzionatua izan zen. Epaiketan zehar, poliziek hainbat kontraesanak erakutsi dituzte. Udaltzainak gaztearen lesioak justifikatzen saiatu dira, lurrera erortzean gertatu zirela esanez, baina momentuan grabatutako bideo bat eta lekukoen testigantzek argi erakusten dute poliziek bota zutela Aimar lurrera eta gogor oldartu zirela bere kontra. Sententziaren zain gelditu da epaiketa.

Hemen Gasteiz Hoy hedabideak publikatutako bideoa, non argi ikus daitekeen udaltzainek egindako erasoa.