Poeta palestinar bat espetxeratu du Israelek Facebooken olerki bat idazteagatik

  • Darin Tatour poeta palestinarrari bost hilabeteko espetxe zigorra eta sei hilabeteko inhabilitazioa ezarri dizkiote, Israelen okupazioa salatzen duen olerki bat Facebooken idazteagatik, Maan berri agentzia palestinarrak argitaratu duenez. Epaile israeldarrek "erakunde terrorista gorestea eta sustatzea" egotzi diote.


2018ko abuztuaren 02an - 08:40
Darin Tatour artxiboko argazki batean (Argazkia: Activestills)

Tatour lehendik ere bi urte eta zortzi hilabetez izan zuten espetxean eta etxeko kartzelaldian, poemak idazteagatik.

Erabakia "injustua" iruditzen zaiola erantzun du eta ez dagoela bera epaitzeko arrazoirik ere. Hala ere, epaiak ez duela harritu gaineratu du poeta nazaretarrak.

Esan du ez duela Israelgo justizia sisteman konfiantzarik eta bere atxiloketak motibazio politikoak dauzkala salatu du: "Demokrazia soilik jende mota bati aplikatzen zaio herrialde honetan", adierazi du Israelen palestinarrek bizi duten diskriminazioa salatuz.

Tatour aurretik 2015eko urrian atxilotu zuten "biolentzia sustatzea eta erakunde terroristari babes ematea" egotzita. Literatura arabiarrari buruzko ArabLit webgunean ingelesez irakur daiteke zigortu duten poema: "Aurre egin, nire herria, aurre egin".

Poesia ez da krimena dioen kanpaina.

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Palestina
2024-03-18 | ARGIA
Laguntza humanitarioaren bila joandako 400 pertsonatik gora hil ditu Israelek

31.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-03-18 | ARGIA
Gazako genozidiora "ez ohitzeko" eskatu dute milaka herritarrek Donostian

250 kulturgiletik gorak egin zuten deialdia “Kulturatik genozidioari stop” manifestaziorako. Milaka lagunek Alderdi Eder eta Haizearen Orrazia arteko ibilbidea bete dute martxoaren 17an. Hainbat esku-hartze artistiko izan dira tartean. Inpakturik handiena, ibilbidean... [+]


Eguneraketa berriak daude