Pobrezia %46 igo da azken hamarkadan Araba, Bizkaia eta Gipuzkoan

  • Araba, Bizkaia eta Gipuzkoako 130.965 bizilagun txirotasunean bizi dira, 2016an baino %6,9 gehiago eta 2008n pobrezia pairatzen zuten %46en gainetik. Era berean, 270.294 bizilagun ongi-izatetik urrun daude. 2016an baino %17,3 hain zuzen ere.

ARGIA @argia
2019ko uztailaren 12a
RGI delakoaren aldeko manifestazioa Gasteizen. Argazkia: Jaizki Fontaneda /FOKU.

Datu horiek Eusko Jaurlaritzaren Enplegu eta Politika Sozialetarako sailak emanak dira; 2018 urteari dagozkio. Datuak eremuko Beatriz Artolazabak sailburuak aurkeztu ditu, eta EH Bilduko Nerea Kortajarena legebiltzarkideak eman ditu ezagutzera: “Oso txarrak” direla adierazi du Kortajarenak, aldi berean, Iñigo Urkulluren gobernuaren politikarekin oso kritiko agertu da.

Urkulluren Gobernuak garatzen ari den politika sozialak “erabateko emendakina” merezi duela esan du ere EH Bilduko legebiltzarkideak.

Aipatutako datuei gehitu behar zaie pobrezia arriskuan bizi diren herritarren %8a: 172.307 bizilagun. Era berean, 121.659 pertsonak ez dituzte oinarrizko gastuak ordaintzen: alokairuak, hipotekak eta gainerako ordainketak atzeratzen ari dira.

Halaber, 46.149 larri eta 39.111 oso larri bizi dira, elikagaien gutxienekoa ez baituzte eskuratzen. Pobrezia sufritzen duten pertsonak (%44,7) bikoteak dira, seme-alabak dituzte; %29;40k guraso bakarren ardura dute. %19 bakarrik bizi dira, %6,8 seme-alabarik gabekoak izaki.Adin gutxikoek ere pobreziaren eragina jasaten dute. Hauetako %50,2k hamalau urte baino gutxiago dute.

Nerea Kortajarenak aditzera eman duenez, adierazle guztiek “2000 urtea baino lehenagoko egoerara  bueltatzen ari garela” seinalazten dute. Bere ustetan, “ez dira ustekabeko datuak”, Eusko Jaurlaritzaren “euskal babes sozialerako politikaren eskubideak gero eta murritzagoak baitira”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Pobrezia

Pobrezia kanaletik interesatuko zaizu...
Azkenak
EGILEA
Eguneraketa berriak daude