Donostiako Udalaren debekuaren aurrean, Kaleko Afari Solidarioak dio etxerik gabekoei otorduak ematen jarraituko duela
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken goizean Martin Ibabe Hiri Segurtasuneko zinegotziak protestei zilegitasuna eman eta "arrazoi bakarra eta esklusiboa inguru horretan gertatzen ari den segurtasun-arazoa da", adierazi du. KASek prentsaurrekoa deitu du ostegunean 18:00etan eta dagoeneko adierazi du afariak ematen jarraituko dutela.
Udaltzaingoak asteazken iluntzean Kaleko Afari Solidarioak (KAS) taldeko kideei jakinarazi die ezin izango dutela ostegunetik aurrera otordurik eman kalean. Irutxuloko Hitza-k jaso du jakinarazpenaren momentua. Udaltzainak ekintzaile solidarioei adierazi die Donostiako Udalaren erabakia izan dela, "gune publikoa" dela eta horretarako baimenik ez dutela.
Hedabide berari Jon Barandiaran taldeko kideak azaldu dionez udaltzainei debekuaren idatzia eskatu diete, baina "ahozko agindu bat" izan dela erantzun dute poliziek.
KASek lau urte daramatza otorduak ematen Amaran, Egian eta Alde Zaharrean, kale egoeran dauden pertsonei oinarrizko premia hori bermatu nahian, eta gauero 250 otordu inguru banatzen ditu. Barandiaranek taldearen izenean esan du orain arte Udalak "baimen tazitua" eman izan diela: "Gaur arte ez digute eragozpenik jarri, gaur ez dakigu zergatik".
Donostiako Udala
Donostiako Udalak ostegun goizean eman ditu azalpenak debekuaren inguruan. Hiri Segurtasuneko zinegotzi Martin Ibabek egin ditu adierazpenak hedabideen aurrean, auzia delinkuentziarekin lotuz. "Arrazoi bakarra eta esklusiboa inguru horretan gertatzen ari den segurtasun-arazoa da", azaldu du.
Ibaberen esanetan, Ertzaintza eta Udaltzaingoa "denbora asko" daramatela inguruneari "jarraipena" egiten, eta 2022tik "jarduera deliktiboaren hazkundea" adierazten dutela datuek. Debekuak "ez du inongo zerikusirik janari banaketarekin", ziurtatu du. Herritarren kexak ere jaso dituztela azaldu du.
Eskuinaren presioa
KASek salatu du haien kontrako kanpaina bat abian duela eskuinak azken hilabeteetan. Pasa den astelehenean afariak banatzen dituzten toki berean, Egia auzoan, herritar batzuk bildu ziren sare sozialetatik deialdia egin ondoren "segurtasun" falta argudio bezala jarrita; PPko zinegotziak ere izan ziren bertan. Hain justu, alderdi horrek behin baino gehiagotan eskatu du kaleko afari solidarioekin amaitzea.
"Gaur arte ez digute eragozpenik jarri, gaur ez dakigu zergatik"
KASek "elkartasun ekintza komunitario eta kolektibo" gisa definitzen du ekimena eta, ohar batean azaldu duenez, "azken aldian SOS egoera lazgarri bat areagotzen ari da". Taldeak salatu du Instagram eta Telegram kanalak baliatuta eta Donostian "segurtasuna" eskatzen, herritar talde batek KAS "jomugan" jarri duela: "Esan beharrik ez dago, KASek ez duela inondik inora segurtasunaren ikuspegi eta ikuspuntu hori", azaldu du. Sare sozialen bidez KASeko kideak "seinalatu, iraindu eta kriminalizatzeko" saiakera dagoela diote.
Era berean azaldu dute Donostiako Udaleko Gizarte Zerbitzuetako arduradunekin bildu izan direla lau urteotan, kale egoeran dauden pertsonentzako "soluzio integral bat" eman eta elikadura eskubidea bermatu ahal izateko. Horretarako laguntza ere eskaini dietela azaldu du, baina Udalak ez duela "aldarrikapen bat bera ere aintzat hartu".
Gaur prentsaurrekoa
Debekuaren ostean, KASek ostegun honetan prentsaurrekoa egingo du Teresa de Calculta plazan, gertaturikoa salatu eta bere irakurketa egiteko. Hala ere, debekua jakin bezain azkar zabaldu duten komunikatuan horrela diote: "KASek ez zuen kontzentrazioa oztopatu, KASek ez zuen kontra kontzentraziorik deitu, KASek ez zuen konfrontaziorik bilatu, KASek ez zuen konfrontaziorik nahi, KASek ez du eragotziko Giza Eskubideak betetzen dituen kontzentraziorik, KASek irmoki adierazi du Giza Eskubideak urratzen dituen edozein kontzentrazio salatuko duela, eta azkenik, KASek kontzentrazioan bildutako pertsona eta PPko zinegotziak KASen aurka haizaturiko iritzi mehatxu eta irainak arbuiatzen ditu".
Kaleko Afari Solidarioekin jarraituko dutela adierazi dute lehen komunikatu honetan, "ez baita segurtasuna ezbaian jartzen duen ekintza, pertsonen elikadura segurtasuna elkartasunaren bidetik bermatzen duena baizik".
Azaldu dute oraindik ez dakitela debekuak Egiako otorduei eragiteaz gain, ostegun honetatik aurrera Amaran eta Alde Zaharrean banatzen direnei ere eragingo ote dien.
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.