'Parot doktrinaren' aurkako bi mobilizazio debekatu dituzte
Carmen Albak, Espainiako Gobernuak Nafarroan duen delegatuak, debekatu egin ditu Parot doktrinaren aurka Iruñean eta Tafallan egitekoak diren mobilizazioak, deialdian Ines del Rio presoaren izena aipatzeagatik, Herrira kolektiboak jakinarazi duenez.
“Debekuak mobilizazioen goiburuan du oinarri: 197/2006 doktrina eten. No a la cadena perpetua. Inés askatu”, dio Herrirak plazaratutako oharrak. “Gobernuaren Ordezkaritzak onartu du goiburuak kaltegabea eman dezakeela, baina Inés del Ríoren izena sartuta dagoenez, gehitu du manifestazioen helburua ez dela ‘hain kaltegabea'. Haren hitzetan, helburua ez da soilik Parot doktrina bertan behera uzteko ‘eskatzea’, ETAkoa izateagatik zigortutako pertsona bat ‘goratu eta haren alde egitea’ baizik”.
Dena den, bi deialdiei eustea erabaki du Herrirak. Tafallako manifestazioa larunbat honetan da egitekoa, eta Iruñekoa martxoaren 20an, Europako Giza Eskubideen Auzitegian Ines del Rioren auzia aztertuko duten egunean.
Epaia hurrengo hilabeteetan emango du ezagutzera Estrasburgok. Herrirak azpimarratu duenez, Del Riorentzat ez ezik, zigorra osorik bete ondoren espetxean jarraitzen duten preso guztientzat erabakigarria izango da epaia, atzera bota baitezake Espainiako Gobernuak jarritako helegitea. Egun horretan Euskal Herri osoan egingo dira elkarretaratzeak.
Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.
Etxerat elkarteak "urgentziazko balorazioa" plazaratu du Espainiako Auzitegi Gorenak hartutako erabakiaren ostean. Osorik eskaintzen dizuegu jarraian:
Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.
Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.
Presoen espetxeratzea urtebete edo bi luzatu ahalko dute neurri berriaren ondorioz. “Parot doktrina” delakoarekin alderatu dute Espainiako Auzitegi Nazionaleko bi magistratuk.