2021eko apirilaren 21a
Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.
Eduki hauek interesatzen zaizkizu? Kanal honen RSS jariora harpidetu zaitezke.
'Parot doktrina'
Estrasburgoko Giza Eskubideen epaitegiak ‘Parot doktrina’ ezeztatzearekin batera 30.000 euroko ordaina ezarri zuen Ines Del Riorentzat. Espainiak uko egin dio ordaintzeari.
Estrasbusburgoko Giza Eskubideen epaitegiak 197/2006 doktrina baliogabetu ostean, 20 preso askatu dituzte aste honetan: hamalau hilaren 26an eta sei 27an.
Auzitegi Nazionalak beste bederatzi preso askatzeko agindua eman du, 'Parot doktrinaren' aurkako Estrasburgoren ebazpena aplikatuta.
Espainiako Auzitegi Konstituzionalak gaur markatuko du Estrasburgoren ebazpenaren gaineko irizpidea, Iñaki Fernandez de Larrinoa presoaren auziari buruzko erabakia hartzean.
Espainiako Auzitegi Nazionalak beste 13 euskal preso askatzea erabaki du, Estrasburgoren epaia aplikatuta. Hemendik aurrera, ebazpenaren inguruko erabakiak ez dituzte Zigor Salaren osoko bileretan hartuko, eta horrek preso bakoitzaren prozedura azkartzea ekarriko duela espero dute.
Estrasburgoko Giza Eskubideen Epaitegiak 197/2006 legearen zenbait praktika baliogabetu ostean, asteartearekin hitzartuko du Espainiako Auzitegi Gorenak nola aplikatu sententzia, Europa Pressen arabera.
Espainiako Auzitegi Nazionalak 197/2006 doktrina aplikatu zitzaien bederatzi preso aske uztea erabaki du. Ondorengoak dira presoak: Txomin Troitiño, Isidro Garalde, Iñaki Urdiain, Jon Aginagalde, Jokin Sancho, Elías Fernández Castañares, Joseba Artola, Patxi Gomez eta Luis Mari Azkargorta. Bi presori atzera bota diete eskaria: Jon Ander Urkizu eta Raul Ibañezi.
Euskal presoei kondenak luzatzen zizkien 197/2006 doktrina KO utzi zuen Estrasburgoren epaiaren aplikazioa ahalik eta gehien atzeratzen saiatuko da Espainiako Auzitegi Nazionala azken berriek erakusten dutenez: Fernando Grande-Marlaska Zigor Aretoko presidenteak organo horretako gainontzeko kideei galdetu die ea Auzitegi Gorenak dioenari itxaron behar ote dioten Estrasburgoko Giza Eskubideen Epaitegiak emandako agindua bete aurretik.
"Parot doktrina" indargabetu ez zezaten, joan den martxoaren 20an Estrasburgoko Giza Eskubideen Auzitegian helegitea eztabaidatzen ari ziren saioan, gezurra esan zuen Espainiako Estatuko Abokatuak, Garak jakinarazi duenez: doktrina indargabetuz gero, besteak beste GALeko azken presoa kalean geratuko zela adierazi zuen, baina 2002tik hirugarren graduan dago berau.
