Bederatzi preso askatu ditu Espainiako Auzitegi Nazionalak Estrasburgoko epaiagatik
Espainiako Auzitegi Nazionalak 197/2006 doktrina aplikatu zitzaien bederatzi preso aske uztea erabaki du. Ondorengoak dira presoak: Txomin Troitiño, Isidro Garalde, Iñaki Urdiain, Jon Aginagalde, Jokin Sancho, Elías Fernández Castañares, Joseba Artola, Patxi Gomez eta Luis Mari Azkargorta. Bi presori atzera bota diete eskaria: Jon Ander Urkizu eta Raul Ibañezi.
Hainbat ordu iraun dituen bilera bozketa estu baten ostean argitu da. Bederatzi boto alde, zortzi aurka. Marlaska bera izan da berdinketa hautsi eta kalitatezko botoari esker erabakia hartu duena.
Joan den urriaren 21ean, Estrasburgoko Giza Eskubideen epaitegiak Espainia zigortu zuen Ines del Rio legez kanpo kartzelan mantentzeagatik. Ordutik ostiralero "Parot Doktrina" aplikatu zaien presoen egoerak aztertzen ari dira. Ines del Rio eta Juan Manuel Pirizekin guztira 11 dira epaiaren ostean kaleratutako presoak.
Informazio gehiago:
Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.
Etxerat elkarteak "urgentziazko balorazioa" plazaratu du Espainiako Auzitegi Gorenak hartutako erabakiaren ostean. Osorik eskaintzen dizuegu jarraian:
Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.
Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.
Presoen espetxeratzea urtebete edo bi luzatu ahalko dute neurri berriaren ondorioz. “Parot doktrina” delakoarekin alderatu dute Espainiako Auzitegi Nazionaleko bi magistratuk.