Grande Marlaska tortura salaketen inguruan: "Egia bakarra egia judiziala da"

  • Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.

Argazkia: RTVE.es

2018ko uztailaren 05an - 11:42

Marian Beitialarrangoitia EH Bilduko kideak torturen eta preso politikoen inguruan galdetu dio Grande Marlaskari barne arazoetako batzordean. Harekin ados egon ez arren, Beitialarrangoitiak adierazi du ez duela “oztoporik” jarriko ministroarekin hitz egiterako orduan.

EH Bilduko diputatuak Eusko Jaurlaritzaren torturen txostena mahaigaineratzean Grande Marlaska oso ezkor agertu da eta behin baino gehiagotan errepikatu du “eta nahi bada, ahal dira egiak sortu baina egia bakarra egia judiziala da” eta ukatu egiten du tortura sistematikoa egon dela.

Epaile ohiak ezarritako inkomunikazio egoeran torturak sufritu zituen Beatriz Etxeberriak egindako kontaketa gogorarazi zion euskal diputatuak eta berak “ ondo ezagutzen” zuela gehitu zuen. Bestalde, ETAri antzeman zitzaizkion gauzen artean “tortura salatzeko paperak” zeudela gogorarazi du Grande Marlaskak.

Estrasburgoko sententziengatik galdetuta, epaile ohiak adierazi du ez dutela esan tortura kasuak egon direnik, “ikerketa sakonago bat egon behar zela baizik”. Hala ere, Estrasburgok Portu eta Sarasolaren kasuan argitaratutako epaian onartu zuen bi euskal gazteek “tratu inhumanoa” jasan zutela.

Preso politikoen inguruan galdetuta, garai batean espetxe politika hori “positiboa” izan zela baina orain “legea” bete behar dela dio ministroak. Beitialarrangoitiak gehitu du ondo iruditzen zaiola presoek orain arte jaso ez duten bakarkako tratu hori, baina harrigarria gertatzen zaiola Grande Marlaskarentzat “gogorra” izatea Parot doktrinarekin bukatzea, bere burua zuzenbide estatuaren defendatzailetzat duenean.


Kanal honetatik interesatuko zaizu: Fernando Grande-Marlaska
Torturengatik kondenatutako Sánchez Corbí guardia zibilari Zilarrezko Gurutzea eman dio Espainiako Barne Ministerioak

Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]


Jaurlaritzak Zabalzari biktima izaera onartu arren, justiziak hirutan artxibatu du auzia

“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]


2023-02-03 | Lide Iraola
Poliziaren infiltrazioak justifikatu zituen Marlaskaren ministerioak abuztuko dokumentu batean

Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko". 


2021-02-04 | ARGIA
Presoen ongi etorriak zigortu asmoz, Terrorismoaren Biktimen Legea ari da moldatzen Espainiako Gobernua

Espainiako Barne Ministerioa, Grande-Marlaska buru, legearen erreforman ari da buru-belarri. Ongi etorri ekitaldien antolatzaileak zigortzea dute xede.


Eguneraketa berriak daude