ETAko presoen kondenak “gehiegizkoak” direla dio Espainiako Auzitegi Nazionaleko epaile batek
Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.
aurre egingo dieten hedabide independenteak
Epaileak Madrilgo Unibertsitate Complutenseko udako ikastaroetan egin ditu adierazpenak. Zigorrak preso denentzat “humanoak” izateko, “behar baten arabera” aplikatu behar direla esan du.
De Pradaren arabera, "Parot Doktrina" delakoaren agerpenetik aurrera, zenbait zigor gainontzeko presoekin alderatuta, “modu ezberdinean” ezartzeari ekin zitzaion, “juridikoki onartezina dena”.
Horrela jarraitu ezin zela esatera Giza Eskubideen Europako Auzitegiak etorri beharra “are onartezinagotzat” jo du epaileak. Gaineratu du, kondena aplikatu zuten guztien gogoan zegoela egiten zutena "gaizki" zegoela.
“Barkamena eskatzea ezin da exijitu”
Egindako guztiagatik damua adieraziko duen barkamena “ezin da exijitu” epailearen iritziz; “batez ere, planteamendu ideologiko baten ondorio diren delitu edo egoerez ari garenean". Hala ere, “eragindako mina” aitortzea eta “dagokion pertsonari hori helarazteko interesa” beharrezkoak direla deritzo.
Ukatzen den arren, “bake-prozesua badela” gaineratu du De Pradak. Bake-prozesutik adiskidetze-prozesua etorri behar dela dio eta “barkamenean eta justizia eraikitzailean” sakontzea garrantzitsua dela, “ez baita biktimen intereseko gaia soilik, gizarte osoarena baizik”.
Argitu du, horretarako ez zaiola “justiziari, egiari eta gizarte zein biktimen ordain-eskubideari uko” egin behar, “biolentzia politiko-terroristak eragindako traumak” zentzu positiboan kudeatzeko eskubideaz jardun behar dela baizik.
Bide horretan, biktimek, gizarteak, biolentzia-eragileek, instituzioek eta Estatuko botereek esangura handia dutela azaldu du.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.