Palestinarrei txertoak banatzea oztopatzen ari da Israel
Munduan herritar gehien txertatzen ari den herrialdea da Israel. Israelek dio "pandemiatik atera" nahi duela udaberrian, txertaketa masiboa eta konfinamendua oinarri. Baina palestinarrak albo batera utzita egiten ari dira haien plana. Zisjordaniara iristen diren txertoak kolono juduen artean banatzen ari dira, eta ez han bizi diren ia hiru milioi palestinarren artean. Hala, Israelgo Gobernuak potentzia okupatzaile gisa dituen nazioarteko betebeharrak alboratzen ari direla salatu du Amnistia Internazionalak.
2020ko abenduaren 23an, Israelgo Osasun Ministerioa COVID-19ren aurkako txertoak banatzen hasi zen. Lehen dosiak biztanleen %10k jaso ondoren, batzuen laudorioak jaso ditu Israelek, orain arte txertaketa-kanpainarik zabalena egin duen herrialdea delako. Hala ere, txertaketa planak bakarrik hartu ditu kontuan Israelgo herritarrak, Zisjordaniako kolonoak eta Jerusalemgo palestinarrak . Zisjordanian lurralde okupatuetan eta Gazan bizi diren ia bost milioi palestinarrak baztertu ditu.
Israelgo Osasun Ministerioak ez du oraindik publikoki formulatu Palestinako Lurralde Okupatuetako (TPO) palestinarrentzat dosi kopuru zehatzik gordetzea barne hartzen duen planik. Ez du txerto horiek Palestinako osasun agintariei banatzeko egutegirik ezarri. Hala, giza eskubideen "urraketa masiboa" egiten ari dela salatu dute. "Israelek bere politika diskriminatzaileei amaiera eman behar die eta palestinarrei osasun-arreta jasotzea eragozten dien oztopo oro ezabatu behar du", adierazi du Amnistia Internazionalak.
Israelek nazioarteko zuzenbide humanitarioaren arabera, indar okupatzaile gisa dituen betebeharren artean, ondorengoa dagokiola azpimarratu dute: "Zerbitzu medikoak eta ospitale-zerbitzuak bermatzea, bereziki gaixotasun kutsakorren eta epidemien hedapenari aurre egiteko beharrezko neurriak hartuz eta aplikatuz", Genevako IV. Hitzarmenaren 56. artikuluak xedatzen duen bezala.
2021eko urtarrilaren 3an, Osasunaren Mundu Erakundearen (OME) arabera, Palestinako Lurralde Okupatuetako (Ekialdeko Jerusalem barne) 159.034 palestinarrek positibo eman dute koronabirusean. Pandemia hasi zenetik ia 1.600 pertsona hil dira COVID-19rekin Palestinako Lurralde Okupatuetan.
“Ez den herrian sortu ginen, eta geu ere, esan gabe, konprenitzen da ez garena garela”, Joseba Sarrionandia.
Askotan, nire buruari galdetzen diot zer gertatu ote zen Alemaniako jendarteak nazismoaren ondorioak ezagutu zituenean, hau da, horrelako komunitate... [+]
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agur Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.