2022ko urtarrilaren 25a
Ostiralean bilduko da berriz Eusko Jaurlaritzaren Herritarren Babeserako Labi batzordea, osasun larrialdi egoera berrezartzeko. Horrez gain, COVID ziurtagiria ezartzeko neurriak ere aztertuko dituzte.
Urriaren 7an osasun larrialdi egoera bertan behera utzi ostean amaitu ziren Labi batzordearen bilerak ere. Ordutik, ordea, egoera epidemiologikoa okertzen joan da. Asteartean iragarri zuen Gotzone Sagardui Eusko Jaurlaritzako Osasun sailburuak osasun larrialdia berriro ezarriko zutela. Egun berean jakinarazi zuen Espainiako Auzitegi Gorenak Eusko Jaurlaritzak COVID ziurtagiria ezartzea onetsi zuela.
Berri agentziek aurreratu dutenez, ostiralean elkartuko da berriz Labi. Iragarritakoari jarraiki, EAEn larrialdi egoera berrezarriko dute bileraren ostean, eta berriz sartuko da indarrean Pandemiaren Aurkako Legea, intzidentzia mailaren araberako neurriak ezartzen dituena. Hainbat eremutan edukierak mugatzeko eta ostalaritzari dagozkion beste zenbait neurri hartu ahalko ditu Jaurlaritzak, baina ezingo du mugikortasuna mugatu edo etxeratze agindurik ezarri.
Espainiako Auzitegi Gorenak EAEn ere COVID ziurtagiria eskatzea ahalbidetu ostean, horren inguruan har daitezkeen neurriak ere aztertuko ditu Labik. Oraindik bileraren deialdia ofiziala ez bada ere ostiralean datorren asteburutik aurrera indarrean sartuko diren neurriak erabakiko dituztela aurreikus daiteke.
Eusko Jaurlaritzako Osasun sailak jakinarazi duenez, azken zazpi egunetan 94 lagunek galdu dute bizia COVID-19aren eraginez. Aurreko astean kausa beragatik hil ziren 101 lagunei gehituta, azken hamabost egunetan ia 200 lagun hil dira koronabirusaren eraginez Araban, Bizkaian eta... [+]
Astelehenetik, txertatzea da hainbat leku eta zerbitzu publiko erabiltzeko eskubidea izateko modu bakarra.
Bizitza plataformak manifestazioa egin du Bilbon “Stop diktadurarako pasaportea” eta “Askatasuna” zioten bi pankartarekin. Milaka pertsona batu dira La Casillatik atera eta Autonomia kalean barrena joan den mobilizazioan. Covid pasearen eta haurren... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
