COVID ziurtagiria eta osasun larrialdi egoera ezarriko ditu Eusko Jaurlaritzak
Hiru hilabete ere ez dira EAEn osasun larrialdia bertan behera utzi zuela Eusko Jaurlaritzak. Bada, larrialdi egoera berrezarriko duela iragarri du. Egun berean, argi berdea eman dio Auzitegi Gorenak: covid ziurtagiria ezarri ahalko du hainbat jardueratan.
Egoerak txarrera egiten jarraitzen duela argudiatuta, neurri murriztaileak hartu ahal izateko osasun larrialdi egoera berrezarriko du Jaurlaritzak. Hala iragarri du Gotzone Sagardui Osasun sailburuak. Larrialdi egoera noiztik aurrera izango den eta zein murrizketa aplikatuko diren ez du zehaztu.
Uneotan ZIUetan 49 paziente daudela, Osakidetza zailtasunak nabaritzen hasi dela eta adibidez kirurgia jarduerak mugatu dituela azaldu du sailburuak.
Azkenekoz aipaturiko neurriei eusteko eskatu die herritarrei, baita ere jende multzoak saihesteko, musukoa edonon erabiltzeko, aireztapen egokia bermatzeko eta eskuak sarri garbitzeko.
Covid ziurtagiriari argi berdea
EAEko Auzitegi Nagusiari baimena eskatu zion Jaurlaritzak, aisialdiari loturiko hainbat jardueratan sartu ahal izateko covid ziurtagiria eskatzea baimentzeko. Epaileen ezezkoa jaso ostean, helegitea jarri zuen administrazioak Auzitegi Gorenean, eta astearte honetan erantzun du Gorenak: helegitea onartu du eta Jaurlaritzak argi berdea izango du ziurtagiria eskatzeko. Nola aplikatuko den jakitea falta da.
Jaurlaritzak adierazi zuenez, bere nahia da covid ziurtagiria eskatzea gaueko aisialdian, ekitaldi jendetsuetan, ostalaritza establezimendu batzuetan eta 50 lagunetik gorako edukiera duten jatetxeetan sartu ahal izateko.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.