Ostalaritzaren itxiera ordua aurreratu dute Nafarroan
Kutsaduraren igoera dela-eta hartu du neurria Nafarroako Gobernuak. Asteazken gauerditik aurrera 01:00ak arte ireki ahal izango dute ostalariek, gehienez ere. Nafarroako Gobernuak “zuhurtzia” eskatu die herritarrei.
Eguerdian iragarri du berria Nafarroako Osasun kontseilari Santos Indurainek. Kutsatuen kopuruak Nafarroan gorakada nabarmena izan duela azaldu du Indurainek, denbora tarte laburrean eguneko 50 positibo identifikatzetik asteleheneko 507etara egin duela jauzi. Egoera “nahiko kritikoa” dela iritzita, ostalaritzaren itxiera ordutegia aurreratzea erabaki du gobernuak. Iragan astetik 02.00ak edo 04:00 arte ireki zezaketen gaueko establezimenduek, lizentzia motaren arabera. Asteazkenetik aurrera ostalaritzari eta gaueko aisiari loturiko espazio guztiek 01:00etan itxi beharko dute beranduenez. Ordutegi berria uztailaren 20ra arte egongo da indarrean “gutxienez”.
Kutsaduren igoera mugikortasuna areagotzearekin eta eremu itxietan jende gehiago elkartzearekin lotu du Indurainek, batetik. Bestetik, ikasturte amaierako bidaia Saloun (Herrialde Katalanak) iragan duten gazteen etorrerak izaniko intzidentzia azpimarratu du. Gazte horien artean COVID-!)aren delta aldaera nagusitzen dela azaldu du, aldaera bereziki kutsakorra. Herritarrei zuhurtziaz jokatzeko segurtasun neurriak errespetatzeko eskatu die Osasun kontseilariak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.