ARGIA.eus

2021eko urriaren 22a

Ekonomia > Zerbitzuak > Ostalaritza

2021-04-15 | ARGIA
Nafarroako ostalariek helegitea jarriko diote tabernen barnealdea ixteko neurriari

AEHN Nafarroako Ostalaritza eta Turismorako Elkarteak eta Anapeh Nafarroako Ostalaritza Enpresa Txikien Elkarteak jakinarazi dute Nafarroako Auzitegi Nagusian helegitea jarriko dutela, Chiviteren exekutiboak harturiko neurriak "funtsik gabeak" direla iritzita.


2021-02-09 | ARGIA
Gorri dauden herrietan tabernak eta jatetxeak zabaltzeko baimena eman du EAEko Auzitegiak

Ostalarien elkarteek helegitea aurkeztu zuten eta EAEko Auzitegiak erabaki du ostalarien eskaera behin-behinean onartzea. Denbora gehiago hartuko du auziaren muina aztertu eta ebazpena emateko. Baina Jaurlaritzak onartutako dekretua indarrean dago oraindik, eta horregatik beste murrizketa hauek bete beharko dituzte ostalariek: 20:00etan ixtea, gehienez edukieraren %50 betetzea eta zutik zein barran kontsumitu ahal izatea, besteak beste.


2021-01-28 | ARGIA
Bere buruaz beste egin du ostalarien gremioko kide batek, "Kasu, kasu ostalariak kexu" kolektiboak jakinarazi duenez

Senideek bere buruaz beste egin duen herritarraren izena publiko ez egitea eskatu duen arren, ‘Kasu, kasu ostalariak kexu!’ kolektiboak argitaratu duen agiri baten jakinarazi du gremioko kide batek bere buruaz beste egin duela. "Ostalaritzaren itxierak eragiten dituen harreman sozialen moztea eta alboko kalteak" erakusten dituen egoera bat bizi berri dutela azpimarratu du kolektiboak. 


Otsailaren 7ra arte tabernen barrualdeak itxita egongo dira Nafarroan

Koronabirusari aurre egiteko neurriak zorroztea erabaki du Nafarroako Gobernuak, eta urtarrilaren 23an, larunbatean sartu dira indarrean. Tabernen barrualdea ixteaz gain, esparru pribatuan egiten diren bilerak bizikidetza unitate bakarrera mugatuta egongo dira.


2020-12-11 | Erran .eus
Ostatu eta jatetxeak 22:00 arte zabaltzea eta barrenean edukiera %30ekoa izatea proposatu du Nafarroako Gobernuak

Nafarroako Gobernuko ordezkariekin bildu dira ostegunean Nafarroako ostalariak eta abenduaren 17tik aitzinera ostatuak zabaltzeko ordutegia 22:00 arte luzatzea eta ostatu barreneko edukiera %30ekoa izatea proposatu die gobernuak. Horrekin batera, lokala aireztatzeko baldintza egokiak eskatu dizkie ostalariei.


2020-12-11 | Uriola.eus
Ihintza Torres
"Itxura mantentzeko utziko digute taberna irekitzen, baina guztiz helduta gaituzte"

Bizkaiko Tabernariak eta SOS Ostalaritza plataformetako kidea da Ihintza Torres García. Larunbatean indarrean sartuko diren neurri berrien atarian, Bilboko eta inguruko ostalarien egoeraz hitz egin dugu berarekin. Haserre eta etsituta mintzatu da ostalaritzaren inguruan lan egiten duten familien izenean, eta laguntzak haien errealitatearekin doitzeko eskatu du.


Josema Azpeitia, gastronomia kazetaria
"Baliteke Donostiako Parte Zaharreko tabernen erdiak atea ixtea"

Josema Azpeitia (Legazpi, Gipuzkoa, 1969) gastronomia kazetariak inork baino hobeto ezagutzen du ostalaritzaren mundua, bereziki Donostiako ostalaritzarena. ‘Ondojan’ hilabetekariko zuzendaria da, gastronomiari buruzko hainbat liburu idatzi ditu eta Basque Culinary Center eskolan irakasle ere bada. Ostalaritzaren etorkizuna kinka larrian dagoen honetan, Donostiako tabernen etorkizuna aztertu dugu berarekin.


2020-11-27 | Jone Markuleta
Terrazak irekitzen hasi dira Nafarroako tabernariak

Nafarroako tabernariek terrazak irekitzen hasi dira. Nafarroako Gobernuaren dekretuak gaueko 21:00 arte irekita izateko aukera ematen du, neurri eta babes bereziekin. Lokalen barrualdea irekitzeko ordea, abenduaren 17ra arte itxaron behar izango dute.


2020-11-24 | ARGIA
Nafarroako ostalaritzako terrazak ostegunean zabalduko dituzte

Bizikideak ez diren bezeroen artean 1,5 metroko distantzia gorde beharko da eta mahaien artean 2 metroko distantzia. Hori bermatzen duten terrazek aforoaren %100 erabili ahalko dute azaroaren 26tik aurrera. Mahai bakoitzean gehienez lau pertsona eseri ahalko dira.