Osasun krisian ere pazientea bere hizkuntzan artatzea eskatu du nazioarteko hainbat eragilek

  • Eskaera nazioarteko zenbait langilek, erakundek, ikertzailek eta irakaslek egin diete Osasunaren Mundu Erakundeari eta tokian tokiko gobernuei. Jabetzen dira osasun eta gizarte langileak aurrekaririk gabeko presioa jasaten ari direla, hala ere, uste dute osasun eta gizarte zerbitzuetan gaixoaren hizkuntza errespetatzeak berebiziko garrantzia duela.


2020ko apirilaren 21an - 12:53
Argazkia: easyhealthoptions.com

Sinatzaileek Osasunaren Mundu Erakundeari, agintari publikoei eta osasun publikoko zerbitzuei eskatu diete gogorarazi dezatela zein garrantzitsua den krisi honetan hizkuntza zerbitzuen eskaintza aktiboa egitea. Alegia, pazienteari erabili nahi duen hizkuntzan zerbitzua eskaintzea, berak hala eskatu beharrik izan gabe.

Pazientea bere hizkuntzan artatzeak ebaluazio zorrotzagoak, diagnostiko zehatzagoak eta pertsona horien tratamendua eta arreta hobeto ulertzea errazten dituela dio gutunak, eta salatu dute munduan zehar pazienteak atzean geratzen ari direla haien hizkuntzan artatzen ez dituztelako. Gutunak dio, antsietateak gora egin ahala, hizkuntza gutxituetako gaixoek errazago joko dutela haien hizkuntzan egitera eta zerbitzuek haien hizkuntzan erantzuteak bidea errazten du informazioa emateko, jarraibideak emateko eta gaixoa lasaitzeko, baita gizarte-kohesioari eta agintari publikoekiko konfiantzari eusteko ere. Adierazi dute osasun eta gizarte langileen eta gaixoen arteko komunikazioa ez dela osagarria.

Azpimarratu dute hizkuntza funtsezko erronka dela krisi-kudeaketa egoki orotarako.

Gutunari atxikimendua Euskal Herriko, Kataluniako, Kanadako eta Galeseko erakunde eta norbanakoek eman die. Euskal Herrian erakunde eta elkarteen artean ondokoak daude: Administrazioa Euskaraz Taldea, Euskal Herrian Euskaraz, Hizkuntz Eskubideen Behatokia, Medikuntza Asanblada, Osasungoa Euskalduntzeko Erakundea, Kontseilua eta NUPeko Osasun Fakultateko Euskara Taldea. Sindikatu, alderdi politiko eta herri mugimenduak ere badira sinatzaileen artean.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude