Osakidetzak eta Osasunbideak herritarren gain utziko dute COVID kasu arinen jarraipena
Protokoloa aldatu dute Hego Euskal Herriko osasun publikoko erakundeek, Omikron aldaera nagusi dela ikusi eta positibo kopuruaren gorakada handiaren ondorioz. Jarraipen "proaktiborik" ez zaien egingo sintoma arinak dituzten herritarrei. Sintomek okerrera egiten badute baino ez dira jarri beharko zuzenean harremanetan osasun etxearekin.
Birusaren transmisioa "fase berri batean" dagoela-eta erabaki dute bai Osakidetzak eta bai Osasunbideak COVIDaren jarraipen protokoloa aldatzea. Agintariak neurri sozial murriztaileak ezarri dituzten egun berean eman dute lehen arretari eragiten dion aldaketa horren berri. Herritarren esku utziko dute orain jarraipena, eta sintoma arinak dituztenek ez dute zertan osasun publikoko zerbitzuekin zuzenean harremanetan jarri beharko, telematikoki eman beharko dituzte eurek bakarrik pausoak.
Gotzone Sagarduy Eusko Jaurlaritzako Osasun sailburuak azaldu duenez "sintomek okerrera egiten badute" soilik jo beharko dute osasun etxera. Sailburuaren esanetan, beraz, kasu arin horiei ez zaie jarraipen "proaktiborik" egingo eta "ahulenen" eta pertsona zaurgarrienen jarraipenean jarriko dute arreta, besteak beste immunoeskasia duten pertsonengan.
COVIDarekin "bateragarriak" diren sintomak dituztenek formulario bat bete beharko dute Eusko Jaurlaritzaren webgunean eta modu horretan emango zaie test diagnostikoa egiteko hitzordua. Laneko baja ere modu automatikoan tramitatu beharko du herritarrak webgunearen bidez, baina horretarako Osakidetzaren "diagnostiko zuzena" ezinbesteko izango da, hau da, etxeko testak ez du balioko.
Nafarroako Gobernuak ere aldatu du protokoloa, osasun sarea saturazio egoeran dagoela-eta ezin baita iritsi kasu guztiak jarraitzera, azaldu dutenez. "Selektiboagoak" izango dira eta asintomatikoei ez dizkiete frogak egingo, baina aholkatuko diete prebentzio neurriak hartzea.
Gainera, etxean egindako test autodiagnostikoak balekoak izango dira positiboa konfirmatzeko, Nafarroako kasuan. Positiboen kontaktu zuzenek txertatuta baldin badaude harreman sozialak murriztu beharko dituzte, txertatuta ez daudenek, aldiz, "zorrotz" mantendu beharko dute 10 eguneko berrogeialdia.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.