'Orreaga 824' kultura astea abuztu honetan Auritzen
‘Orreaga 824’ aste kulturala antolatu du Nabarraldek Auritzen abuztuaren 19tik 26ra. Orreagako 824. urteko guduaren 1.200garren urteurrena datorren urtean izango da, eta horren haritik antolatu da.
Orreagako gudu bati egiten dio erreferentzia datak, ez Karlomagnoren gaineko 778ko garaipenarena, baizik eta enperadore frankoek Iruñeko baskoiak menderatu eta inperioan integratzeko egin zuten azken ahaleginekoa, 824koa. Gertakari hura Eneko Arista eta Banu Qasitarren arteko aliantzaren lotura ere izan zen, Eblo kondearen eta Aznar Galindo arnegatuaren indar frankoen aurrean. Gudu hartako garaipenak baskoien autoritatea finkatu zuen Iruñean eta botere subiranoa ezartzeko aukera eman zien.
Aste kulturala abuztuaren 19tik 26ra izango da, erakusketa bat egongo da egun horietan, eta gainera ekitaldi hauek:
Larunbata, abuztuak 19
- 12:00 HITZALDIA: Xabier Irujo, La batalla de Orreaga y sus lecturas en la historia
- 19:00 KONTZERTUA: Beltxaren Bikotea
Eta egun nagusia, abuztuak 26, jardunaldi erakoa:
- 9:30 Kongresuaren irekiera
- 09:45-10:00 Josepe Irigarai (Aurizko alkatea)
- 10:00-10:30 Patxi Zabaleta: 824, Orreaga, el año de Eneko Aritza
- 10:30-11:00 Juan Maria Martinez Txoperena: La calzada romana Astorga-Burdeos, una vía europea en Orreaga
- 11:00-11:30 Iñaki Lopez de Luzuriaga: Baskoiak eta Akitaniako Gerra: 824ra bidean
- 11:30-12:00 Iñigo Larramendi: Vascones occidentales y continentales durante el nacimiento del Reino de Pamplona
- 12:30-14:00 MAHAI-INGURUA: Iñigo Larramendi, Maria Solana, Idoia Zabaltza, Josean Beloki: La memoria de Orreaga. 824, origen del reino vascón
Egitarauaren eta astearen berri zehatzago, hemen (baita izen-emateak ere).
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.
Normandiarren konkistaren ondorengo erregealdi horretan,... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.