Ertzainak gizon bat atxilotu du, Ondarroako “Zapato Azule” festetan emakume bati sexu erasoa egotzita. Uztailaren 2ko goizaldean izan zen erasoa, eta hilaren 5ean atxilotu dute gizona, Lakuako Segurtasun Sailaren arabera.

Eraso matxistei aurre egiteko herri protokoloaren koordinazio mahaiek jaien balorazioa egin dute, festetan bi eraso matxista salatu direla eta bi aldiz aktibatu zela protokoloa jakinaraziz.

Gutxienez bi eraso gauzatu dira, baina “eraso gehienak ez direla salatzen edota ez direla eraso matxistatzat hartzen” badakitela adierazi dute. Eraso matxistekin batera, bost pertsona kanporatu zituzten txosnaguneetatik jarrera desegokiak zituztelako.