Oloro-Donamariako suprefetura okupatu du ELBk, behi tuberkulosiaren kontrako protokolo “gogorregia” salatzeko
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde –orotara 11.000 behi dituzte jomugan–.
Behi tuberkulosiaren garapenari begira Pirinio Atlantikoko prefekturak finkaturiko protokolo "gogorra" salatzeko ekintza burutu du ELB sindikatuak ostegun honetan, Biarnoko Confederation Paysanne ere ondoan zuela. Ehun bat laborarik bat egin dute ekintzarako deiarekin eta Oloroe-Donamariko (Biarno) suprefetura okupatu dute.
Tuberkulosia kasuak agerturik Zuberoan, eritasunaren kontrako neurri sanitarioak segitu beharrean dira inguruko 24 herritako laborariak; hau da, 280 etxalde –orotara 11.000 behi dituztelarik jomugan–.
Eritasunaren zabalpena oztopatzeko asmoz finkaturiko neurriek etxaldeen egoera "are zailago bihurtuko" dutela diote mobilizaturiko laborariek. Egoerari erantzuteko asmoz, ELBk azken hilabeteetan luzaturiko proposamenak kontuan hartu ez izana salatu badute ere, "elkarlanean" aritzeko irekidurarekin segitzen dutela argitu nahi izan dute. Okupaziotik, zuzenean hitzordu bat galdetu diote prefeturari.
Martxoaren 17ko ordenantza
Zuberoako hainbat etxaldeetan agertu dira tuberkolosia kasuak, eta badu hilabeteak administrazioaren eta laborarien arteko soka-tira minberatsua abian dutela, eritasunaren garapena oztopatzeko neurri jasankorrak lortzeko asmoz.
Neurri berriak finkatzen dituen ordenantza izenpetu zuen martxoaren 17an departamenduko prefetak, baina harturiko norabidea begi txarrez ikusten dute ELB eta Confederation Paysanne sindikatuek. Babes neurri gogorregiak direla diote, laborarientzako kostu ekonomiko eta emozional handia ondorioztatzen dietenak. Nagusiki, berriz ere profilaxia egin beharra ez dute onartzen: "Kostu gehigarria dakar eta administrazio-presio jasanezinak".
Horrez gain, behiek ezingo dute kanpoan egon –eta nahi izanez gero, biosegurtasun neurri zorrotzak gauzatzeaz gain, berriz ere eritasuna detektatzeko testa egin beharko diete kabalei–. Horrela, beste behin ere administrazioko zerbitzuek laborantza herrikoia eta iraunkorra jomugan hartzen dutela salatzen du ELBk. Azkenik, biosegurtasun neurri horiekin Frantziako Estatua eta bere zerbitzuak "errealitatetik erabat deskonektatuak" direla diote laborariek, hain zuzen, horien gauzapena "ezinezkoa" zaielako.
Kasu positibo bat agertuz gero, kabala guztien hilketaren mamua beti hor dute, gainera. Ondokoa adierazi zion otsailean Ici irratiari Mitikilen (Zuberoa) laborari den Laura Etchebarnek: "Azaroko profilaxian, gure hiru abereek positibo eman zuten proban. Eta horrek gure artaldearen hiltze erabatekoa eragiten du. Mazo kolpe handi bat da, biziki bortitza zaigu, inolako sintomarik ez duten behiak direlako, proba negatiboak dituztenak eta osasun onean direnak. Nekez onartu dezakegu hori". Azkenean, hilketa masiboak baztertzeko erabakia hartu bazuen ere Pirinio Atlantikoetako prefetak otsailean, mehatxua beti hor da.
Gainera, orain arteko testaren fidagarritasuna "apala" dela deitoratu izan du behin baino gehiagotan ELBk, "positibo-faltsuak" direlako "positibo" agerturiko gehienak: hil ondoren berriz testa egin eta kabala osasun onean zegoela agertzen da. Funtsean, hori ohartarazi zuen Frantziako Legebiltzarretik Iñaki Echaniz diputatu sozialistak ere martxoan: "Hildako animalien %5 baino gutiago dira kutsatuak, horrek erran nahi du hildakoen %95 sanoak zirela".
Aterabideei gogoetatu
Proben fidagarritasuna azkartzeko asmoz, ikerketa zientifikoan zentratzeko eta inbertitzeko eskaera luzatu diete estatuaren zerbitzuei okupazioan egondako laborariek. Gainera, jakinda eritasun hori animalia basen bidez zabaltzen dela azkarki, ELBk dio laborarien kabalak eta basa piztiak banatzeko neurriak garatu behar direla.
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Donibane Lohizuneko Adam makarroien enpresa ezagunaren jabea da eroslea. Elkarretaratzea burutu dute bere denden aitzinean, baina saltokiak itxirik kausitu dituzte, protestaren berri ukanik ateak lehenago itxirik jabeak. Astearteaz geroztik dabiltza Senpereko etxea okupatzen,... [+]
Animalien osasunaz arduratzen den DDPP departamendu mailako zerbitzuak Pauen dituen bulegoak okupatu dituzte ekainaren 8an, ELBk eta Biarnoko Modef eta Confederation Paysanne sindikatuek ere. Poliziak kanporatu ditu.
ELBk berriz ere bere arrangurak agertarazi ditu hegazti gripeari begira. Euskal Herriko Laborarien Batasunak jakitera eman duenez, iragan hiru asteetan 70 kutsadura kasu aitortu dira Aturri arroko etxaldeetan, horietatik 50 Gersen, hemezortzi Landetan eta bi... [+]
2022ko uztailaren 8an Akitania Berria eskualdeak mendiari eta artzaingoari lotu 2023ko proiektu deialdiak aurkeztu zituen . Aldaketen artean bortuetan tropen zaintzeko laguntza atxemaiten da, orain arte «7-6-B Bortuko eremuen balorizatzea» izenarekin zena eta oraitik... [+]
Salmentaz arduratzen den notarioaren egoitzaren aitzinean elkartu dira 50 bat herritar, ELBk, Lurzaindiak eta Bidarraiko herriko etxeak deiturik. Notarioarekin hitzordua lorturik, ondokoa segurtatu die: salmenta horren segipena utziko du notarioak, baldin eta saltzaileak ez badu... [+]
ELB sindikatuak eta Lurzaindiak elkarteak ahoz jaso dute ezetzaren berri, eta idatziz iritsi zain daude. Beste laborari batek gainontzeko hamabi hektareak erosi ditu, baina "azpijokoetan" ibili izana leporatu diote eragileek. Auzitara joko dute.
Miguel Harriague notarioaren bulegoan sartu dira ostegun honetan ELB sindikatuko eta Lurzaindiako ordezkariak eta afixak paratu dituzte Yves Borotra jabeak 12 hektarea saldu dituela-eta espekulazioa salatzeko.