Ipar Euskal Herriko lehen indarra izaten segitzen duela ohartarazi du ELBk, botoen %48 jasorik
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Ostegun arratsalde honetan argitu dira departamenduko laborantza ganberarako bozketen emaitzak: Ipar Euskal Herriko botoen %48ak bildu ditu ELB sindikatuak. Hori horrela, ikusirik parean bi sindikatu zituela –FDSEA eta CR Coordination Rural–, argi gelditzen da oraindik ere lehen indarra dela Ipar Euskal Herrian. Ez dago kontaketa bereizirik Biarnoarentzat eta Ipar Euskal Herriarentzat, ezin jakin zehazki zein emaitza jaso duten beste bi sindikatuek –horiek bai, departamendu osoan aurkezten direlako, ELB ez bezala–. "Lehen indarra izaten segitzen dugu. Bide beretik segituko dugu: lan egiten terrenotik, borrokan, eta proposamen ausartak eta konkretuak egiten", adierazi dio ARGIAri ELBko zerrendako Maritxu Lopepek. Dena dela, ELBk ez ditu departamenduko laborantza ganberan dituen aulkiak betetzen, FDSEAk atxikitzen duen monopolioagatik eta laborantza herrikoiaren alde ezin delako lanik eraman bertatik. Horretarako dute Ipar Euskal Herriarentzako egitura publiko propio bat galdetzen ELBko laborariek.
Departamendu mailan, ordea, FDSEA sindikatua atera da garaile, beste behin ere. Hala ere, 2019ko aitzineko hauteskundeetatik indarra galdu du: %54 egitetik %45,8 egitera pasa da. Indarra hartu duen sindikatua da CR, %21,4 jasorik, 12,5 puntu irabazi dituelako sei urtez. Boto kopurutan horrela doaz emaitzak: FDSEAk 2.269 boto, ELBk 1.094, CRk 1.062 eta Confederation Paysannek 531.
ELBk segitzen du departamenduko bigarren indarra izaten, eta bere gisara, laborantza iraunkorraren eta herrikoiaren alde Biarnon dabilen Confederation Paysannek, berriz, %10,7 lortu du. Ondoko ondorioa egiten du Lopepek: "ELBren eta Confederation Paysannen emaitzak batuta, argi gelditzen da laborantza herrikoiak leku handia duela Pirineo Atlantikoetako departamenduan". FDSEAren emaitza "zigor bozketa" gisa analisatzen du: "Lehen aldikoz %50ren langapean kokatzen da FDSEA, azken 40 urteetan eramandako politikaren kontrako bozketa izan da".
Urtarrilaren 15etik 31ra iraganik, otsailaren 6 honetan egin dituzte bozen kontaketak. ELB, FDSEA/JA eta CR Coordination Rural sindikatuen artean izan da lehia. Hiru sindikatu, hiru nekazaritza eredu: laborantza herrikoia eta iraunkorra ELBk, azken hamarkadetan zabalduriko agroindustriarena FDSEAk, eta guziari kritiko izatetik sortu den eta tarteka eskuin muturrerako irakurketa erraza duen CR. Parte-hartzea %55,23koa izan da.
Bozketa Internet bidez edo postaz egin zitekeen, baina bozka eskubidea ez zela errespetatua salatu zuen agiri bidez ELBk urtarrilaren 29an, hain zuzen ere, bozkatu ahal izateko dokumentazioa ez zelako tenorez etxe guzietara heldua.
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Laborantza herrikoia eta jasangarria bultzatzen duen azokak 20. urteurrena beteko du. Azaroaren 7tik 9ra antolatu duten erakusketa eta merkatuan parte hartzera dei egin du.
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Mandio eta kanpandorreetan hontz zuriaren ulu mikatza gero eta gutxiagotan entzuten dugu. Zer dela eta? Urbanismo basatiaren eta laborantza intentsiboaren ondorioz, bere habitata suntsitu dugu. Baina gaueko hegazti harrapari bitxia funtsezkoa zaigu, soroak osasuntsu mantentzen... [+]
Golde” hitza “kultura” hitzetik dator. Etimologialaria ez naizenez, ez naiz, badaezpada, bidezidor horretan barrenduko, edozein sastraka edo lahardiren (Rubus fruticosus) erdian itotzeko ere… Inor edo bestek argituko ote digu gakoa.
Maiatzaren 10ean Zestoako iraeta auzoan kokatuta dagoen amillubi proiektuan elkartu ziren elikadura burujabetzaren aldeko herritarrak eta laborariak. Udaberriko Festaren bigarren edizio honetan, goizean bi mahai-inguru antolatu zituzten eta entzulez bete zen amilibia baserri... [+]
Kapitalismoaren lekuan lekuko eta garaian garaiko egoerara moldatzeko gaitasuna harrigarria egiten zait batzuetan. Espero ez duzun tokian azaltzen dira antzekotasunak, eta hara non, bat-batean konturatzen zara munstroak Mallorcan hartzen duen itxura ez dagoela etxean bertan bizi... [+]
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo utzi dituela Gipuzkoako Foru Aldundiak. Horregatik, 12:00etan Aldundiaren aurrean... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Espainiako Gobernuak Eskola Jantokien inguruko Errege Dekretua atera berri du, Euskal Herri Hegoaldeko eskola jantokien kudeaketan eragingo duena. Spoiler: elikadura sistema osasuntsu eta jasangarri bat garatzeko inolako asmorik erakusten ez duen dokumentua da.
Aurten bai urtea da. Sagar urtea izango da aurtengo hau (Malus domestica). Eta baialdia behar bezala agurtu eta baliatzeko, besteak beste, dolareak gertatu beharko ditugu.